മലപ്പുറം; സിപിഎം സംഘടിപ്പിക്കുന്ന ഏകീകൃത സിവില് കോഡ് സെമിനാറില് പങ്കെടുക്കില്ലെന്ന് മുസ്ലീം ലീഗ്. തീരുമാനമറിയിച്ചത് പാണക്കാട് നടന്ന യോഗത്തിന് ശേഷം. ലീഗ് സംസ്ഥാന അദ്ധ്യക്ഷന് പാണക്കാട് സാദിഖലി ശിഹാബ് തങ്ങള് കുഞ്ഞാലിക്കുട്ടി എം.എല്.എ എന്നിവരാണ് പങ്കെടുക്കില്ലെന്ന വിവരം മാദ്ധ്യമങ്ങളെ അറിയിച്ചത്. കോണ്ഗ്രസിനെ മാറ്റി നിര്ത്തി മുന്നോട്ട്പോകാനില്ല. സമസ്ത പങ്കെടുക്കുന്നത് വിവാദമാക്കേണ്ട കാര്യമില്ല.
സംഘടനകള്ക്ക് പങ്കെടുക്കാന് അനുവാദം നല്യിട്ടുണ്ട്. സെമിനാറുകള് ഭിന്നിപ്പിക്കാന് വേണ്ടിയാകരുത് എന്നും കുഞ്ഞാലിക്കുട്ടി പറഞ്ഞു.സെമിനാറില് പങ്കെടുക്കുന്നതു സംബന്ധിച്ച് നേതാക്കള്ക്കിടയില് ഭിന്നാഭിപ്രായണ്ടായിരുന്നു. ഈ സാഹചര്യത്തിലാണ് പ്രത്യേക യോഗം വിളിച്ചത്.
ലീഗ് യുഡിഎഫിലെ പ്രധാന കക്ഷിയാണ്. അതുകൊണ്ടുതന്നെ ലീഗ് സെമിനാറില് പങ്കെടുക്കില്ല. കോണ്ഗ്രസിനെ മാറ്റി ഒന്നും ചെയ്യാനാകില്ല. പങ്കെടുത്താല് ദോഷം ഉണ്ടാകും.ആര്ക്കും സെമിനാര് സംഘടിപ്പിക്കാം. ആര്ക്കും അതില് പങ്കെടുക്കാന് സ്വാതന്ത്ര്യം ഉണ്ട്. സമസ്തക്കും അതിന്റെ സ്വാതന്ത്ര്യം ഉണ്ടെന്നും സാദിഖലി തങ്ങള് പറഞ്ഞു. ഇവിടുത്തെ സെമിനാറുകള് ഭിന്നിപ്പിക്കാന് വേണ്ടി ആകരുതെന്ന് പികെ കുഞ്ഞാലിക്കുട്ടിയും പറഞ്ഞു.
Comments