സമൂഹമാദ്ധ്യമങ്ങളിൽ ത്രെഡ്സ് ആപ്പിന് വൻ സ്വീകര്യതയാണ് ലഭിക്കുന്നത്. ട്വിറ്ററിന് വെല്ലുവിളി ഉയർത്തുക എന്ന ലക്ഷ്യത്തോടെ മെറ്റ അവതരിപ്പിച്ച ആപ്പ് പുറത്തിറങ്ങി ദിവസങ്ങൾ കഴിഞ്ഞതോടെ വിവാദങ്ങളിൽ കുടുങ്ങുകയായിരുന്നു. ഇതിനകം തന്നെ ഉപയോക്താക്കളുടെ എണ്ണത്തിൽ വൻ കുതിച്ച് ചാട്ടമുണ്ടാക്കിയെങ്കിലും കൂടുതൽ ഫീച്ചേഴ്സ് ഇല്ല എന്നാണ് ഉയരുന്ന പരാതി.
ഇപ്പോൾ നിരവധി പേരാണ് ത്രെഡ്സിന്റെ പോരായ്മകൾ ചൂണ്ടിക്കാട്ടി രംഗത്ത് എത്തിയിരിക്കുന്നത്. ത്രെഡ്സിൽ ലോഗിൻ ചെയ്താൽ നിങ്ങളുടെ ഇൻസ്റ്റഗ്രാം കോൺടാക്റ്റിലുള്ള ആളുകൾ നിങ്ങളെ ഫോളോ ചെയ്യുമ്പോഴെല്ലാം നോട്ടിഫിക്കേഷനായി ആപ്പ് നിങ്ങളെ അറിയിക്കും. അതുപോലെ ഓരോ പോസ്റ്റിലും ലൈക്കുകളും റീപോസ്റ്റുകളും വരുമ്പോഴും നോട്ടിഫിക്കേഷനായിട്ട് വരും. ഇത്തരത്തിൽ നിരന്തരം നോട്ടിഫിക്കേഷനുകൾ വരുന്നത് ബുദ്ധിമുട്ടായി മാറിയിരിക്കുകയാണ്. അതിനാൽ തന്നെ നോട്ടിഫിക്കേഷൻ നിയന്ത്രിക്കാനുള്ള വഴി തിരയുകയാണ് ആളുകൾ.
ഇത്തരത്തിൽ പ്രയാസപ്പെടുന്നവർക്ക് നോട്ടിഫിക്കേഷനുകൾ നിയന്ത്രിക്കാനും ആവശ്യമെങ്കിൽ മ്യൂട്ട് ചെയ്ത് വയ്ക്കാനും കഴിയും. ആൻഡ്രോയിഡ് ആപ്പിൽ നോട്ടിഫിക്കേഷൻ നിയന്ത്രിക്കുന്നത് എങ്ങനെയെന്ന് നോക്കാം.
- ത്രെഡ്സിലെ നിങ്ങളുടെ പ്രൊഫൈൽ പേജിലേക്ക് പോയി മുകളിൽ വലത് കോണിലുള്ള മെനു ബട്ടണിൽ ടാപ്പ് ചെയ്യുക.
- എല്ലാ നോട്ടിഫിക്കേഷനുകളും ഓഫ് ചെയ്യാനോ ഓരോന്നായി നിയന്ത്രിക്കാനോ ഉള്ള ഓപ്ഷനുകൾ ഇതിൽ ലഭ്യമാണ്.
- നിങ്ങൾക്ക് ആവശ്യമില്ലാത്ത നോട്ടിഫിക്കേഷനുകൾ തിരഞ്ഞെടുക്കുക
- നോട്ടിഫിക്കേഷൻ മ്യൂട്ട് ചെയ്യേണ്ട കാലയളവിനായി അഞ്ച് ഓപ്ഷനുകളിൽ ലഭിക്കും.
- 15 മിനിറ്റ്, 1 മണിക്കൂർ, 2 മണിക്കൂർ, 4 മണിക്കൂർ, 8 മണിക്കൂർ എന്നീ ഓപ്ഷനുകളാണ് ലഭിക്കുക
- ഏതൊക്കെ നോട്ടിഫിക്കേഷൻ ഓഫ് ചെയ്യണം എന്നതിൽ മൂന്ന് ഓപ്ഷനുകളാണുള്ളത്, ഇതിൽ എല്ലാ നോട്ടിഫിക്കേഷനും ഓഫ് ചെയ്യാനും ഓപ്ഷനുണ്ട്.
