എറണാകുളം: അങ്കമാലി അപ്പോളോ അഡ്ലക്സ് ആശുപത്രിയിൽ നൂതന റോബോട്ടിക്ക് സർജറി സംവിധാനം പ്രവർത്തനമാരംഭിച്ചു. നാലാം തലമുറ റോബോട്ടിക്ക് ശസ്ത്രക്രിയാ സംവിധാനമായ ഡാവിഞ്ചി എക്സ് ഐ ആണ് അപ്പോളോ അഡ്ലക്സിൽ സജ്ജീകരിച്ചിട്ടുള്ളത്. ഡാവിഞ്ചി എക്സ് ഐയുടെ പ്രവർത്തനോദ്ഘാടനം ഉന്നതവിദ്യാഭ്യാസ മന്ത്രി ഡോ.ആർ. ബിന്ദു നിർവ്വഹിച്ചു. അപ്പോളോ അഡ്ലക്സ് ആശുപത്രി എംഡി സുധീശൻ പുഴേക്കടവിൽ, സിഇഒ സുദർശൻ ബി, ഡോ.ഊർമ്മിള സോമൻ, ഡോ.എലിസബത്ത് ജേക്കബ്, ഡോ.പി.റോയ് ജോൺ എന്നിവർ ചടങ്ങിൽ സംസാരിച്ചു.
റോബോട്ടിക്ക് മെഡിക്കൽ സംവിധാനങ്ങൾക്ക് അത്യന്താധുനിക മുന്നേറ്റം ഉറപ്പാക്കിയാണ് നാലാം തലമുറ റോബോട്ടിക്ക് അസിസ്റ്റഡ് ശസ്ത്രക്രിയാ സംവിധാനമായ ഡാവിഞ്ചി എക്സ് ഐ അങ്കമാലി അപ്പോളോ അഡ്ലക്സ് ആശുപത്രിയിൽ സജീകരിച്ചിട്ടുള്ളത്. റോബോട്ടിക്ക് -അസിസ്റ്റഡ് സർജറി യൂണിറ്റുകളിൽ നിന്ന് ഏറെ മെച്ചപ്പെട്ട ക്ലിനിക്കൽ ഫലങ്ങൾ നൽകുന്നതിന് പുതിയ ഡാവിഞ്ചി എക്സ് ഐ സംവിധാനം സഹായിക്കും. റോബോട്ടിക്ക് സഹായത്തോടെയുളള ശസ്ത്രക്രിയ രോഗിയെ വേഗത്തിൽ തന്നെ സാധാരണ ജീവിതത്തിലേക്ക് നയിക്കാൻ സഹായിക്കുന്ന സാങ്കേതിക വിദ്യയാണ്.
ശസ്ത്രക്രിയാനന്തരമുളള പ്രയാസങ്ങളെ റോബോട്ടിക്ക് ശസ്ത്രക്രിയ ലഘൂകരിക്കുന്നതായും മിനിമലി ഇൻവേസീവ് ഗൈനക്കോളജി ആൻഡ് റോബോട്ടിക്ക് സർജറി സീനിയർ കൺസൾട്ടന്റ് ഡോ. ഊർമ്മിള സോമൻ പറഞ്ഞു. ഡോ.ഊർമ്മിള സോമൻ പ്രസ്തുത ഡാവിഞ്ചി എക്സ് ഐ റോബോട്ടിക് സംവിധാനമുപയോഗിച്ച് 10 ശസ്ത്രക്രിയകൾ വിജയകരമായി ചെയ്തിരുന്നു.
Comments