ഇന്ത്യൻ സിനിമാ ചരിത്രത്തിലെ പ്രശസ്തയായ നായികമാരിൽ ഒരാളാണ് ഹേമാ മാലിനി. ബോളിവുഡിന്റെ ഡ്രീം ഗേൾ എന്നാണ് ഹേമാ മാലിനിയെ വിശേഷിപ്പിക്കുന്നത്. അഭിനേത്രി എന്നതിനോടൊപ്പം എഴുത്തുകാരി, സംവിധായിക, നർത്തകി, രാഷ്ട്രീയ പ്രതിനിധി എന്നീ തലങ്ങളിലും ഹേമാ മാലിനി തന്റെ കഴിവു തെളിയിച്ചിട്ടുണ്ട്. ഇപ്പോഴിതാ താരം ഒരു അഭിമുഖത്തിൽ വെളിപ്പെടുത്തിയ കാര്യങ്ങളാണ് ഏറെ പ്രേക്ഷക ശ്രദ്ധ നേടുന്നത്.
ഒരിക്കൽ ഒരു സംവിധായകൻ തന്നോട് സാരിയിലെ പിൻ മാറ്റിയിട്ട് അഭിനയിക്കാൻ ആവശ്യപ്പെട്ടുവെന്ന് ഹേമാ മാലിനി വെളിപ്പെടുത്തി. ‘സാരി സേഫ്റ്റി പിൻ ചെയ്യരുതെന്നും അല്ലെങ്കിൽ സാരിയുടെ അയഞ്ഞ ഭാഗം താഴേക്ക് ഇടണമെന്നും സംവിധായകൻ ആവശ്യപ്പെട്ടു. അദ്ദേഹത്തിന് മറ്റെന്തെങ്കിലും തരത്തിലുള്ള രംഗങ്ങൾ കൂടി ചിത്രീകരിക്കണമായിരിക്കാം. അതിനാലാകും അദ്ദേഹം ഇങ്ങനെ എന്നോട് ആവശ്യപ്പെട്ടത്’ഹേമാമാലിനി പറഞ്ഞു. ഞാൻ എപ്പോഴും സാരിയിൽ പിൻ കുത്താറുണ്ടെന്ന് അദ്ദേഹത്തോട് മറുപടി പറഞ്ഞതായും താരം കൂട്ടിച്ചേർത്തു.
സംവിധായകൻ രാജ്കപൂർ സത്യം ശിവം സുന്ദരം എന്ന സിനിമ ചെയ്യാനായി തന്നോട് പറഞ്ഞിരുന്നു. എന്നാൽ ഞാൻ ഈ സിനിമ ചെയ്യാൻ സാധ്യതയില്ലെന്നും പക്ഷേ സിനിമയിൽ തന്നെ ആവശ്യമാണെന്നും നിർമ്മാതാവിന് അറിയാമായിരുന്നുവെന്നും ഹേമാ മാലിനി പറഞ്ഞു. എന്നാൽ അത്തരമൊരു ചിത്രത്തിൽ അഭിനയിക്കാൻ ഒടുവിൽ വിസമ്മതിയ്ക്കുകണ് ചെയ്തതെന്നും അവർ വ്യക്തമാക്കി.
1961-ൽ ‘ഇതു സത്തിയം’എന്ന തമിഴ് സിനിമയിലൂടെയാണ് ഹേമാ മാലിനി ചലച്ചിത്ര രംഗത്തേക്ക് എത്തുന്നത്. 1968-ൽ ‘സപ്നോ കാ സൗദാഗർ’എന്ന ബോളിവുഡ് ചിത്രത്തിൽ അഭിനയിച്ച ശേഷം പിന്നീട് നിരവധി സിനിമകൾ ചെയ്യാൻ താരത്തിന് അവസരം ലഭിച്ചു. തന്റെ കരിയറിന്റെ തുടക്കത്തിൽ തന്നെ ‘ഡ്രീം ഗേൾ’ എന്ന് പേരു നേടിയ ഹേമാ മാലിനി ഹാസ്യ, നാടകീയ വേഷങ്ങളോടൊപ്പം നർത്തകിയെന്ന നിലയിലും അഭിനയിച്ചിട്ടുണ്ട്. നിരവധി പുരസ്കാരങ്ങളോടൊപ്പം 2000-ൽ പദ്മശ്രീ ബഹുമതിയും ഹേമാ മാലിനി സ്വന്തമാക്കിയിട്ടുണ്ട്.
Comments