പോസ്റ്റ് ഓഫീസ് സമ്പാദ്യ പദ്ധതികളോട് ജനങ്ങൾക്ക് എന്നും പ്രിയമാണ്. സാധാരണക്കാർ മുതൽ ഉയർന്ന ശമ്പളക്കാർ വരെ ഒരേ രീതിയിൽ ചേരുന്ന പദ്ധതികളാണ് മിക്കവയും. സമ്പാദ്യത്തിനപ്പുറം സംരംഭം തുടങ്ങാനും അവസരമൊരുക്കുകയാണ് പോസ്റ്റ് ഓഫീസ്.
ചെറിയ നിക്ഷേപത്തിൽ സംരംഭം തുടങ്ങാൻ ആഗ്രഹിക്കുന്നവർക്ക് പദ്ധതിയിൽ ചേരാവുന്നതാണ്. പോസ്റ്റ് ഓഫീസ് ഫ്രാഞ്ചൈസി സ്കീം പ്രകാരം 5,000 രൂപ മുതൽ മുടക്കിൽ സ്വന്തമായി ബിസിനസ് ആരംഭിക്കാവുന്നതാണ്. രണ്ട് തരത്തിൽ പോസ്റ്റൽ ഫ്രാഞ്ചൈസി എടുക്കാവുന്നതാണ്. ഫ്രാഞ്ചൈസി ഔട്ട്ലെറ്റും ഫ്രഞ്ചൈസി പോസ്റ്റൽ ഏജന്റ് എന്നീ രണ്ട് തരത്തിൽ ഫ്രാഞ്ചൈസി എടുക്കാവുന്നതാണ്. പോസ്റ്റൽ സൗകര്യങ്ങളില്ലാത്തിടത്താണ് സ്കീം ആരംഭിക്കുന്നത്.
30 വയസിൽ താഴെ പ്രായമുള്ള ഇന്ത്യൻ പൗരന് പോസ്റ്റ് ഓഫീസ് ഫ്രാഞ്ചൈസിയ്ക്ക് അപേക്ഷിക്കാവുന്നതാണ്. പട്ടികജാതി, പട്ടിക വർഗം, മറ്റ് പിന്നാക്ക വിഭാഗങ്ങളിൽപ്പെട്ടവർക്ക് പ്രായപരിധി ബാധകമല്ല. പത്താം തരം വിജയമാണ് വിദ്യാഭ്യാസ യോഗ്യത. കമ്പ്യൂട്ടർ പരിജ്ഞാനമുള്ളവർക്ക് ഫ്രാഞ്ചൈസി അപേക്ഷകളിൽ മുൻഗണന ലഭിക്കും. തപാൽ വകുപ്പ് ജീവനക്കാർക്കോ കുടുംബാംഗങ്ങൾക്കോ അപേക്ഷിക്കാൻ കഴിയില്ല.
ഫ്രാഞ്ചൈസി സ്റ്റോറിൽ നിന്ന് നൽകുന്ന സേവനങ്ങളെയും വിൽപനയെയും അടിസ്ഥാനമാക്കി കമ്മീഷൻ അടിസ്ഥാനത്തിലാണ് വരുമാനം ലഭിക്കുന്നത്. പോസ്റ്റ് ഓഫീസ് ഔട്ട്ലെറ്റ് തുറക്കണമെങ്കിൽ സെക്യൂരിറ്റി സെപ്പോസിറ്റായി 5,000 രൂപ നിക്ഷേപിക്കണം. വരുമാനം അനുസരിച്ച് സെക്യൂരിറ്റി ഡെപ്പോസിറ്റ് ഉയരും. 200 അടി ചതുരശ്രയടി വിസ്തീർണമുള്ള കെട്ടിടമാണ് ആവശ്യം. പോസ്റ്റൽ ഏജന്റുമാർക്ക് പോസ്റ്റ് ഓഫീസ് സേവനങ്ങൾ നൽകാവുന്നതാണ്. ഇന്ത്യ പോസ്റ്റ് ഔദ്യോഗിക വെബ്സൈറ്റിൽ നിന്നും പോസ്റ്റ് ഓഫീസ് ഫ്രാഞ്ചൈസിയ്ക്കുള്ള അപേക്ഷ ഫോം ലഭിക്കും. ഇത് പൂരിപ്പിച്ച് പോസ്റ്റ് ഓഫീസിൽ സമർപ്പിക്കണം. അപേക്ഷ അംഗീകരിച്ച് കഴിഞ്ഞാൽ ഫ്രാഞ്ചൈസി ഔട്ട്ലെറ്റ് ആരംഭിക്കുന്നവർക്ക് തപാൽ വകുപ്പുമായി ധാരണ പത്രം ഒപ്പിടണം. ഏജന്റിന് ഇതിന്റെ ആവശ്യമില്ല. കൂടുതൽ വിവരങ്ങൾക്ക് എന്ന വെബ്സൈറ്റ് സന്ദർശിക്കുക.
