ടോം ആൻഡ് ജെറി കഥകളിലേതുപോലെ ശത്രുക്കളാണ് നായകളും പൂച്ചകളും. എന്നാൽ ചില സന്ദർഭങ്ങളിൽ ടോമും ജെറിയും ആത്മ സുഹൃത്തുക്കളാണ്. അത്തരത്തിലുള്ള ഒരു സുഹൃത്ത് ബന്ധമാണ് ഇപ്പോൾ ഇന്റർനെറ്റ് ലോകത്തെ അതിശയിപ്പിക്കുന്നത്.
ഇവിടെ താരങ്ങൾ ടോം ആൻഡ് ജെറിയിലേതുപോലെ എലിയും പൂച്ചയുമല്ല. പകരം തമു എന്ന പൂച്ചയും ബൻസോ എന്നൊരു നായയുമാണ്. വയ്യാതെ കിടക്കുന്ന നായയുടെ അടുത്തുനിന്നും മാറാതെ കിടക്കുന്ന തമുവിന്റെ സ്‌നേഹമാണ് ദൃശ്യങ്ങളിലുള്ളത്. അതിനിടയിൽ ഒരാൾ തമുവിനെ എടുത്ത് മാറ്റാൻ ശ്രമിക്കുമ്പോൾ അവൻ അതിനു സമ്മതിക്കാതെ ബൻസോയുടെ അടുത്തുതന്നെ കിടക്കുന്നു. ഹൃദയസ്പർശിയായ ഈ ദൃശ്യങ്ങൾ നിരവധി പേരെയാണ് ആകർഷിച്ചത്.
ഫിലിപ്പീൻസിലെ ബാംബംഗിൽ നിന്നും 2022-ലാണ് ഈ വീഡിയോ പങ്കുവച്ചത്. കഴിഞ്ഞ വർഷം പോസ്റ്റ് ചെയ്ത ദൃശ്യങ്ങളാണെങ്കിലും ഇപ്പോഴും ഈ വീഡിയോ ട്വിറ്റർ ട്രെൻഡിംഗിൽ ഇടം നേടുകയാണ്.
