‘പുള്ളിയുടെ കോണക ശീലയിലല്ലേ എംപി ഇരിക്കുന്നത്’; തലശ്ശേരി ആർച്ച് ബിഷപ്പ് ജോസഫ് പാംപ്ലാനിയെ അധിക്ഷേപിച്ച് എം.എം മണി

ഇടുക്കി: തലശ്ശേരി ആർച്ച് ബിഷപ്പ് ജോസഫ് പാംപ്ലാനിക്കെതിരെ വിവാദ പരാമർശവുമായി എം.എം. മണി. മണിപ്പൂർ വിഷയം ഉയർത്തിക്കാട്ടിയാണ് തലശ്ശേരി ആർച്ച് ബിഷപ്പിനെ പരസ്യമായി സിപിഎം നേതാവ് അപമാനിച്ചത്. ബിജെപിക്ക് എംപിയെ ഉണ്ടാക്കി കൊടുക്കാമെന്ന് പറഞ്ഞ ബിഷപ്പ് മണിപ്പൂർ വിഷയത്തിൽ നാവടക്കിയിരിക്കുകയാണെന്ന് എം.എം മണി പറഞ്ഞു. സഭ്യമല്ലാത്ത ഭാഷ ഉപയോ​ഗിച്ചാണ് ജോസഫ് പാംപ്ലാനി
യെ എം.എം മണി അധിക്ഷേപിച്ചത്.

‘കത്തോലിക്ക ബിഷപ്പ് പറഞ്ഞു, റബറിന് 300 രൂപ തന്നാൽ ബിജെപിക്ക് എംപിയെ ഉണ്ടാക്കിക്കൊടുക്കാം എന്ന്. പുള്ളിയുടെ പോക്കറ്റിൽ കോണകശീലയിലല്ലേ എംപി ഇരിക്കുന്നത്. ഇപ്പോൾ അദ്ദേഹം മിണ്ടുന്നില്ല. അവിടെ കൊന്നോണ്ടിരിക്കുവാ. ബിഷപ്പുമാരേയും തട്ടും. ഞങ്ങൾക്ക് പണ്ടേ രക്ഷയില്ല. മണിപ്പൂരിൽ അതാണ് ഇപ്പോൾ നടക്കുന്നത്’- എന്നാണ് എം.എം മണിയുടെ വിവാദ പരാമർശം. നെടുങ്കണ്ടത്ത് കേരള സ്റ്റേറ്റ് എക്സൈസ് സ്റ്റാഫ് അസോസിയേഷൻ ജില്ലാ സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു സിപിഎം നേതാവ്.