ഷിംല: ഹിമാചൽ പ്രദേശിലെ പ്രളയബാധിത മേഖലകൾ സന്ദർശിച്ച് ബിജെപി ദേശീയ അദ്ധ്യക്ഷൻ ജെ.പി. നദ്ദ. മാണ്ഡി, കുളു മേഖലകളിൽ പ്രളയം തകർത്ത ജനവാസ കേന്ദ്രങ്ങൾ, മാണ്ഡിയിലെ പഞ്ചവക്തത്ര ക്ഷേത്രം എന്നിവടങ്ങളിൽ ജെപി നദ്ദ സന്ദർശിച്ച് സ്ഥിതിഗതികൾ വിലയിരുത്തി. കേന്ദ്രമന്ത്രി അനുരാഗ് ഠാക്കൂർ ഹിമാചൽ പ്രദേശ് മുൻ മുഖ്യമന്ത്രി ജയറാം ഠാക്കൂർ തുടങ്ങിയവർ അദ്ദേഹത്തിനൊപ്പമുണ്ടായിരുന്നു
അതേസമയം കടുത്ത മഞ്ഞുവീഴ്ച തുടരുന്നതിനാൽ ഹിമാചൽ പ്രദേശിൽ നിരവധി വിനോദസഞ്ചാരികൾ കുടുങ്ങിക്കിടക്കുന്നതായി റിപ്പോർട്ടുകളുണ്ട്. സംസ്ഥാനത്തെ 850 റോഡുകൾ ഇപ്പോഴും അടഞ്ഞുകിടക്കുകയാണ്. ഈ സാഹചര്യത്തിൽ വിനോദ സഞ്ചാരികളിൽ ഭൂരിഭാഗവും നിലവിൽ താമസിക്കുന്ന സ്ഥലങ്ങളിൽത്തന്നെ തുടരാൻ തീരുമാനിച്ചതായും റിപ്പോർട്ടുകളുണ്ട്. വ്യോമമാർഗമുള്ള രക്ഷാപ്രവർത്തനവും റോഡ് ഗതാഗതം പുനഃസ്ഥാപിക്കാനുള്ള പ്രവർത്തനങ്ങളും പുരോഗമിക്കുകയാണ്.
Comments