എറണാകുളം: കൊച്ചി അന്താരാഷ്‌ട്ര വിമാനത്താവളം വഴി കടത്താൻ ശ്രമിച്ച ഒരു കിലോ സ്വർണം കസ്റ്റംസ് പിടിച്ചെടുത്തു. കോഴിക്കോട് സ്വദേശി ഷൗക്കത്തിൽ നിന്നാണ് കസ്റ്റംസ് സ്വർണം പിടിച്ചെടുത്തത്. പാന്റ്സിലും അടിവസ്ത്രത്തിലുമായി സ്വർണം കടത്താനായിരുന്നു ഇയാളുടെ ശ്രമം.
രഹസ്യ വിവരത്തെ തുടർന്ന് ലഭിച്ച പരിശോധനയിലാണ് 48 ലക്ഷം രൂപയോളം വരുന്ന സ്വർണം പിടിച്ചെടുത്തത്. പാന്റ്‌സിൽ പ്രത്യേക അറയുണ്ടാക്കി പ്ലാസ്റ്റിക് കവറിൽ കുഴമ്പ് രൂപത്തിലാക്കിയാണ് ഇയാൾ സ്വർണം കടത്താൻ ശ്രമിച്ചത്.
അതേസമയം ഇന്നലെ കണ്ണൂർ വിമാനത്താവളത്തിൽ നിന്ന് യാത്രക്കാർ കടത്താൻ ശ്രമിച്ച 78 ലക്ഷം രൂപ വരുന്ന 1321 ഗ്രാമോളം സ്വർണ്ണം രണ്ട് വ്യത്യസ്ത കേസുകളിലായി പിടികൂടിയിരുന്നു. ധർമ്മടം സ്വദേശി മുഹമ്മദ് ഷാഹിൽ നിന്നും 55 ലക്ഷം രൂപ വരുന്ന സ്വർണ്ണവും മുഴപ്പിലങ്ങാട് സ്വദേശി ജാബിറിൽ നിന്നും 23 ലക്ഷം രൂപവിലമതിക്കുന്ന സ്വർണവുമാണ് പിടികൂടിയത്.
Comments