പ്രേക്ഷകശ്രദ്ധയേറെ പിടിച്ചുപറ്റിയ പ്രശസ്ത സീരിയൽ രാമായണത്തിൽ സീതയായി വേഷമിട്ട നടി ദീപിക ചിഖാലിയ അയോദ്ധ്യയിലെ രാം ലല്ലയിൽ ദർശനം നടത്തി. ആദ്യമായാണ് പുണ്യഭൂമിയായ അയോദ്ധ്യയിലെത്തുന്നതെന്ന് താരം പറഞ്ഞു. രാം ലല്ല ദർശിച്ച് പ്രാർത്ഥനകൾ കഴിഞ്ഞ് ഇറങ്ങിയപ്പോൾ അനുഗ്രഹീതയായതായും ദീപിക പറഞ്ഞു. നിർമ്മാണം പുരോഗമിക്കുന്ന രാമക്ഷേത്രം ഭക്തർക്കായി തുറന്ന് നൽകുമ്പോൾ വീണ്ടും ഭഗവാന്റെ സന്നിധിയിലെത്തുമെന്നും അവർ കൂട്ടിച്ചേർത്തു.
രാമക്ഷേത്രത്തിന്റെ നിർമ്മാണ പ്രവർത്തനങ്ങൾ ദ്രുതഗതിയിൽ പുരോമിക്കുകയാണ്. ഡിസംബറിൽ നിർമ്മാണം പൂർത്തിയാക്കി വരും വർഷം ജനുവരിയിൽ ശ്രീരാമ വിഗ്രഹ പ്രതിഷ്ഠ നടത്തുമെന്ന് ശ്രീരാമ തീർത്ഥ ട്രസ്റ്റ് അറിയിച്ചിരുന്നു.
