തെന്നിന്ത്യയുടെ നടിപ്പിൻ നായകൻ സൂര്യയ്‌ക്ക് ആശംസകളുമായി എത്തിയിരിക്കുകയാണ് മലയാള സിനിമയുടെ താര രാജാവ് മോഹൻലാൽ. ട്വിറ്ററിലൂടെയാണ് മോഹൻലാൽ സൂര്യയ്‌ക്ക് പിറന്നാൾ ആശംസകൾ അറിയിച്ചത്. നേരത്തെ മമ്മൂട്ടിയും സൂര്യയ്‌ക്ക് ആശംസകളുമായി എത്തിയിരുന്നു.
‘ പ്രിയപ്പെട്ട സൂര്യയ്‌ക്ക് ഒരുപാട് സ്‌നേഹത്തോടെ പിറന്നാൾ ആശംസകൾ. ഈ ദിവസവും ഈ വർഷവും നിങ്ങളെ പോലെ തന്നെ അതിശയകരമാകട്ടെ’ എന്നായിരുന്നു മോഹൻലാൽ ട്വീറ്റ് ചെയ്തത്.
കാപ്പാൻ ആയിരുന്നു ഇരുവരും ഒരുമിച്ച് അഭിനയിച്ച ചിത്രം. വലിയ വിജയം നേടിയ ചിത്രത്തിൽ ഇരുവരും വേറിട്ട കഥാപാത്രങ്ങളെ ആയിരുന്നു അവതരിപ്പിച്ചത്.
ഇതിനോടകം നിരവധിപ്പേരാണ് സൂര്യയ്‌ക്ക് ആസംസകളുമായി എത്തിയിരിക്കുന്നത്. അതേസമയം ആരാധകർക്കായി സൂര്യയുടെ വാരാനിരിക്കുന്ന ചിത്രം കങ്കുവയുടെ ഗ്ലിംപ്‌സ് വീഡിയോയും പുറത്ത് വന്നിരുന്നു. ഇതിനോടകം വലിയ സ്വീകാര്യതയാണ് വീഡിയോയ്‌ക്ക് ലഭിച്ചിരിക്കുന്നത്.
