പലവിധ പ്രണയകഥകള്‍ കണ്ടിട്ടും കേട്ടിട്ടുമുണ്ടെങ്കില്‍ ബ്രസീലിലെ ഈയൊരു പ്രണയകഥ അത്ഭുതമാണ്. അത് അത്രമേല്‍ വിചിത്രവും മനോഹരവുമെന്ന് പറയാം. ഈ പ്രണയം അതിര്‍ത്തികള്‍ താണ്ടുന്നില്ല.. ഒന്നും നഷ്ടപ്പെടുത്തുന്നുമില്ല. എന്നിട്ടും എത്ര വിചിത്രമാണെന്ന് ചോദിച്ചാല്‍ കഥയിലെ നായികയായ ബ്രസീലിയന്‍ യുവതി ഇമ്മാനുവേലയോട് ചോദിക്കണം.
തന്റെ ഫോണ്‍ കവര്‍ന്ന കള്ളനെ കാമുകനാക്കിയ ഇമ്മാനുവേലയുടെ കഥയാണ് അടുത്തിടെ സോഷ്യല്‍ മീഡിയയില്‍ ഇടംപിടിച്ചത്.
ട്വിറ്ററില്‍ ഏറെ ശ്രദ്ധിക്കപ്പെട്ട ഒരു വീഡിയോയിലൂടെയാണ് ഇരുവരും തങ്ങളുടെ പ്രണയ കഥ വെളിപ്പെടുത്തിയത്.ന്യൂയോര്‍ക്ക് പോസ്റ്റ് റിപ്പോര്‍ട്ട് ചെയ്യുന്നതനുസരിച്ച് ഇമ്മാനുവേല എന്ന യുവതി ബ്രസീലിലെ ഒരു തെരുവിലൂടെ നടക്കുന്നതിനിടയിലാണ് ഒരു ചെറുപ്പക്കാരന്‍ അവളെ കൊള്ളയടിയ്‌ക്കാനുള്ള ശ്രമം നടത്തിയത്. യുവതിയുടെ ഫോണ്‍ കൈകലാക്കിയ യുവാവ് ഓടി മറഞ്ഞു.
എന്നാല്‍ ഫോണിലെ യുവതിയുടെ ചിത്രം കണ്ടതോടെ കള്ളന്റെ മനസലിഞ്ഞു. കുറ്റബോധം കൂടിയതോടെ ഫോണ്‍ തിരിച്ചുനല്‍കാന്‍ ശ്രമം ആരംഭിച്ചു. അതുവരെ തന്റെ ജീവിതത്തില്‍ ഒരു സ്ത്രീ ഉണ്ടായിരുന്നില്ലെന്നും അവളുടെ ചിത്രമാണ് എന്നെ മാറി ചിന്തിക്കാന്‍ പ്രേരിപ്പച്ചതെന്നുമാണ് യുവാവ് ന്യൂയോര്‍ക്ക് പോസ്റ്റിന് നല്‍കിയ അഭിമുഖത്തില്‍ യുവാവ് അവകാശപ്പെടുന്നത്.
É só no Brasil mesmo….kkkkkkkkkkk. pic.twitter.com/EmrqKfUzZM
— Milton Neves (@Miltonneves) July 21, 2023
“>
പെണ്‍കുട്ടിയെ വീണ്ടും അന്വേഷിച്ച് കണ്ടെത്തി ഫോണ്‍ തിരികെ ഏല്‍പ്പിക്കാന്‍ അയാള്‍ തീരുമാനിച്ചു. അതായിരുന്നു ഇരുവരും തമ്മിലുള്ള രണ്ടാമത്തെ കൂടികാഴ്ച. പെണ്‍കുട്ടിയോട് ക്ഷമ ചോദിച്ച് അയാള്‍ ഫോണ്‍ തിരികെ ഏല്‍പ്പിച്ചു. കണ്ടമാത്രയില്‍ യുവതിക്ക് പ്രണയം തോന്നിയില്ലെങ്കിലും അവള്‍ സൗഹൃദം വാഗ്ദാനം ചെയ്തു. അയാളുടെ സത്യസന്ധതയില്‍ വിശ്വാസം തോന്നിയതിലാണ് സൗഹൃദം തുടങ്ങിയതെന്നും അവര്‍ പറഞ്ഞു. പിന്നീട് ഇവരുടെ സൗഹൃദം പ്രണയത്തിന് വഴിമാറുകയായിരുന്നു. രണ്ടുവര്‍ഷമായി ഡേറ്റിംഗിലാണ് ഇരുവരും. കൗതുകമേറിയ പ്രണയകഥ സോഷ്യല്‍ മീഡിയയില്‍ ഹിറ്റായതോടെ ഇരുവരും ഇപ്പോള്‍ താരങ്ങളാണ്.
