തൃശൂർ: പെരിങ്ങൽകുത്ത് കെ എസ് ഇ ബി ക്വാർട്ടേഴ്സിൽ വനവാസി യുവതിയെ മരിച്ച നിലയിൽ കണ്ടെത്തിയ സംഭവത്തിൽ ഭർത്താവ് സുരേഷ് അറസ്റ്റിൽ. ഗീതയുടെ കൊലപാതകവുമായി ബന്ധപ്പെട്ട് വനവാസി ഊരിന് സമീപത്തുളള കുടിലിൽ ഒളിവിൽ കഴിയവെയണ് സുരേഷിനെ പോലീസ് അറസ്റ്റ് ചെയ്തത്. മദ്യപാനത്തെ തുടർന്നുണ്ടായ തർക്കമാണ് മരണകാരണമെന്നാണ് പോലീസ് പറയുന്നത്. ചാലക്കുടി ഡിവൈഎസ്പി ടിഎസ് സിനോജും സംഘവും നടത്തിയ തെരച്ചിലിലാണ് പ്രതിയെ കണ്ടെത്താനായത്.
ഗീതയെ കഴിഞ്ഞ വ്യാഴ്ചയാണ് മരിച്ചനിലയിൽ കണ്ടെത്തിയത്. പൊരിങ്ങൽകുത്ത് ഗവൺമെന്റ് എൽ പി സ്കൂളിന് സമീപമുള്ള ക്വാർട്ടേഴ്സിലാണ് ഇവർ താമിച്ചു വരുന്നത്.സുരേഷ് വീട്ടിൽ നിരന്തരം ഗീതയുമായി വഴക്കുണ്ടാക്കാറുണ്ടായിരുന്നു.സംഭവ ദിവസം രാത്രിയും വീട്ടിൽ വഴക്ക് ഉണ്ടാക്കിയതോടെ വീട്ടുകാർ അതിരപ്പിള്ളി പോലീസിൽ വിവരം അറിയിച്ചു. പോലീസ് സ്ഥലത്തെത്തി കാര്യങ്ങൾ തിരക്കുന്നതിനിടയിൽ് സുനിൽ ഗീതയുമായി അവിടെ നിന്നും പോവുകയായിരുന്നു.പിന്നീടാണ് ഗീതയെ വീട്ടിൽ മരിച്ച നിലയിൽ കണ്ടെത്തിയത്.
Comments