മനാഹാരിത നിറഞ്ഞ ചണ്ഡീഗഢിൽ നിന്ന് ഗോവയുടെ മാന്ത്രിക ഭൂമിയിലേക്ക് ഗോവ സമ്പർക്ക് ക്രാന്തി എക്സ്പ്രസ്. മികച്ച യാത്രാനുഭവം നൽകുന്നതും താരതമ്യേന ചെലവ് കുറഞ്ഞതുമായ മാർഗ്ഗങ്ങളിലൂടെ യാത്രികർക്ക് ആകർഷകമായ യാത്രാനുഭവം
നൽകുകയാണ് റെയിൽവേ ഇതിലൂടെ ഉദ്ദേശിക്കുന്നത്.
ഗോവ സമ്പർക്ക് ക്രാന്തി എക്സ്പ്രസിന്റെ റൂട്ടുകൾ
ഗോവയിൽ നിന്നും ചണ്ഡീഗഢിലേക്കാണ് ട്രെയിൻ യാത്ര ആരംഭിക്കുന്നത്. കൊങ്കൺ റെയിൽവേയാണ് യാത്ര ഒരുക്കുന്നത്.
ദൂരവും യാത്രാസമയവും
ഗോവ സമ്പർക്ക് ക്രാന്തി എക്സ്പ്രസ് 2,367 കിലോമീറ്റർ ദൂരം സഞ്ചരിച്ചാണ് ലക്ഷ്യസ്ഥാനത്തെത്തുന്നത്. മൂപ്പത്തിനാല് മണിക്കൂറും നാൽപ്പത്തിയഞ്ച് മിനിറ്റുമാണ് സഞ്ചരിക്കുന്നതിനായി എടുക്കുന്ന സമയം.
മഡ്ഗാവ്-ചണ്ഡീഗഢ് -മഡ്ഗാവ് സമ്പർക്ക് ക്രാന്തി എക്സ്പ്രസ് ആഴ്ചയിൽ രണ്ട് ദിവസമാണ് ഉള്ളത്. തിങ്കൾ, ശനി ദിവസങ്ങളിലാണ് പ്രധാനമായും സർവീസ് നടത്തുന്നത്. മഡ്ഗാവിൽ നിന്ന് 23.40-ന് പുറപ്പെട്ട് 9.50-നാണ് ലക്ഷ്യസ്ഥാനത്തെത്തുക. ചണ്ഡീഗഢ്-മഡ്ഗാവ് സമ്പർക്ക് ക്രാന്തി എക്സ്പ്രസ് 2.15-ന് പുറപ്പെട്ട് 13.00-ന് മഡ്ഗാവിൽ എത്തും.
പ്രധാനമായും നിർത്തുന്ന സ്റ്റേഷനുകൾ
മഡ്ഗാവിനും ചണ്ഡീഗഢിനും ഇടയിലുള്ള യാത്രക്കിടയിൽ 14 സ്റ്റേഷനുകളിലാണ് പ്രധാനമായും നിർത്തുന്നത്. അംബാല കാന്റ് ജംഗ്ഷൻ, പാനിപ്പത്ത് ജംഗ്ഷൻ, ന്യൂഡൽഹി, ഹസ്രത്ത്, നിസാമുദ്ദീൻ, കോട്ട ജംഗ്ഷൻ, രത്ലം ജംഗ്ഷൻ, വഡോദര ജംഗ്ഷൻ, സൂറത്ത്, വസായ് റോഡ്, പൻവേൽ, രത്നഗിരി, പെർനേം, തിവിം, കർമ്മാലി എന്നീ റെയിൽവേ സ്റ്റേഷനുകളിലാണ് ട്രെയിൻ പ്രധാനമായും നിർത്തുന്നത്.
Comments