ഇന്ത്യയിൽ നടക്കുന്ന ക്രിക്കറ്റ് ലോകകപ്പിലെ പങ്കാളിത്തം സംബന്ധിച്ചുള്ള കാര്യങ്ങൾ തീരുമാനിക്കാൻ പാകിസ്താൻ പ്രധാനമന്ത്രി നിയോഗിച്ച കമ്മിറ്റി, തീരുമാനം സംബന്ധിച്ച കാര്യങ്ങൾ നാളെ അന്തിമമായി ചർച്ച ചെയ്യുമെന്ന് ക്രിക്ക് ഇൻഫോ റിപ്പോർട്ട് ചെയ്യുന്നു. ഷഹബാസ് ഷെരീഫ് നിയോഗിച്ച കമ്മിറ്റിയുടെ ചെയർമാൻ ബിലാവൽ ഭൂട്ടോയാണ്.
ബിസിസിഐ ഏഷ്യാകപ്പിന് പാകിസ്താനിലേക്ക് ടീമിനെ അയയ്ക്കില്ലെന്ന് നിലപാട് വ്യക്തമാക്കിയതോടെയാണ് പാകിസ്താനും ഇന്ത്യയിലേക്ക് ടീമിനെ അയയ്ക്കരുതെന്ന് പല കോണുകളില് നിന്ന് മുറവിളിയുര്ന്നത്. എന്നാല് ലഭിക്കുന്ന വിവരം അനുസരിച്ച് കടുത്ത തീരുമാനത്തിലേക്കൊന്നും പിസിബി കടന്നേക്കില്ലെന്നാണ് വിവരം. സുരക്ഷാ മാനദണ്ഡങ്ങളായിരിക്കും കൂടുതല് മുന്ഗണന നല്കുക.
അതേസമയം ഇന്ത്യാ പാകിസ്താൻ മത്സരം നവരാത്രി ആഘോഷങ്ങളുടെ ഭാഗമായി ഓക്ടോബർ 15ൽ നിന്ന് 14ലേക്ക് മാറ്റിയേക്കുമെന്ന് പിടിഐ റിപ്പോർട്ട് ചെയ്യുന്നു. ഓക്ടോബർ 5 മുതൽ നവംബർ 19 വരെയാണ് ലോകകപ്പ്.
