തിരുവനന്തപുരം : ഗണപതി മിത്താണെന്ന പ്രസ്താവന വിവാദമായതോടെ നിന്ന നിൽപ്പിൽ മലക്കം മറിഞ്ഞ സിപിഎം നേതാക്കളെ പരിഹസിച്ച് സന്ദീപ് വാചസ്പതി . ‘ ദാ ഇത്രയേ ഉള്ളൂ ഇവന്മാരുടെ വിപ്ലവ വീര്യം ‘ എന്നാണ് സന്ദീപ് വാചസ്പതി ഫേസ്ബുക്ക് പോസ്റ്റിൽ പറയുന്നത് . അപ്പോ കാണുന്നവനെ അപ്പാ എന്ന് വിളിക്കാനുള്ള ഉളുപ്പില്ലായ്മയുടെ പേരാണ് കമ്മ്യൂണിസമെന്നും അദ്ദേഹം പറയുന്നു .
ഗണപതി മിത്താണെന്നും അള്ളാഹു മിത്തല്ലെന്നും താന് പറഞ്ഞിട്ടില്ലെന്നുമായിരുന്നു സിപിഎം സംസ്ഥാന സെക്രട്ടറി എം.വി ഗോവിന്ദന്റെ പ്രസ്താവന . ഗണപതിയും അള്ളാഹുവും വിശ്വാസപ്രമാണത്തിന്റെ ഭാഗമാണെന്ന് എം.വി ഗോവിന്ദന് വിശദീകരിച്ചു. നിയമം ലംഘിച്ചാല് വിശ്വാസിയാണെങ്കിലും അല്ലെങ്കിലും കേസെടുക്കുമെന്നും സിപിഎം സംസ്ഥാന സെക്രട്ടറി വ്യക്തമാക്കി.
അതേസമയം വിശ്വാസികൾ കടുത്ത എതിർപ്പുമായി രംഗത്തെത്തിയതോടെയാണ് സിപിഎം നിലപാടിൽ നിന്ന് വ്യതിചലിച്ചത് .
Comments