അക്ബർ നീരാവി എഞ്ചിൻ പുനസ്ഥാപിച്ച് ഇന്ത്യൻ റെയിൽവേ. ഹരിയാനയിലെ രേവാരിയിലുള്ള ഹെറിറ്റേജ് സ്റ്റീം ഷെഡിൽ ഉള്ള അക്ബർ സ്റ്റീം ലോക്കോമോട്ടീവ് ആണ് ഇന്ത്യൻ റെയിൽവേ പ്രവർത്തന സജ്ജമാക്കിയത്. ചിത്തരഞ്ജൻ ലോക്കോമോട്ടീവ് വർക്കിൽ നിർമ്മിച്ചതിൽ ഇന്നും അവശേഷിക്കുന്ന വിന്റേജ് സ്റ്റീം ലോക്കോമോട്ടീവുകളിൽ ഒന്നാണ് അക്ബർ.
മണിക്കൂറിൽ 110 കിലോമീറ്റർ വരെ വേഗതയിൽ സഞ്ചരിക്കാൻ അക്ബർ നീരീവി എഞ്ചിന് സാധിക്കും. ഇതിന് മുമ്പ് 2012-ലാണ് ഇതിന് മുൻപ് ഈ എഞ്ചിനെ പ്രവർത്തനക്ഷമമാക്കിയത്. ഡൽഹിക്കും അൽവാറിനും ഇടയിൽ വിനോദ സഞ്ചാരത്തിന് വേണ്ടിയായിരുന്നു അന്ന് ഈ ട്രെയിൻ ഉപയോഗിച്ചത്. 2013 ൽ നോർത്തേൺ റെയിൽവേയുടെ അമൃത്സർ വർക്ക് ഷോപ്പിൽ എത്തിക്കുകയും ശേഷം സരിസ്ക നാഷൺ പാർക്കിലേക്ക് സർവീസ് നടത്തുകയും ചെയ്തു.
1965-ലാണ് ഹെറിട്ടേജ് ലോക്കോമോട്ടീവ് സേവനം ആരംഭിക്കുന്നത്. പ്രശസ്ത ഇന്ത്യൻ അത്ലറ്റായ മിൽക്കാ സിംഗിന്റെ ജീവിതത്തെ അടിസ്ഥാനമാക്കി പുറത്തിറങ്ങിയ ഭാഗ് മിൽഖാ ഭാഗ് ഉൾപ്പെടെ 20-ൽ അധികം ബോളിവുഡ് ചിത്രങ്ങളുടെ ഭാഗമായിട്ടുണ്ട്. നിലവിൽ നോർത്തേൺ റെയിൽവേയുടെ റെവാരി സ്റ്റീം ലോക്കോമോട്ടീവ് ഹെറിറ്റേജ് ഷെഡിലാണ് ഈ എഞ്ചിൻ ഉള്ളത്.
Comments