ശബരിമലയില്‍ നിറപുത്തരി വ്യാഴാഴ്ച; ക്ഷേത്ര നട നാളെ തുറക്കും

പത്തനംതിട്ട; നിറപുത്തരി മഹോത്സവത്തിന്റെ ഭാഗമായി ശബരിമല ശ്രീ ധര്‍മ്മശാസ്താ ക്ഷേത്രനട നട നാളെ വൈകിട്ട് അഞ്ചിന് തുറക്കും.10-ന് പുലര്‍ച്ചെ 5:45നും 6:15-നും മദ്ധ്യേ നിറപുത്തരി ചടങ്ങുകള്‍ നടക്കും.നിറപുത്തരിയുടെ ഭാഗമായി എത്തിക്കുന്ന നെല്‍ക്കതിരുകള്‍ 10-ന് പുലര്‍ച്ചെ പതിനെട്ടാം പടിയില്‍ നിന്ന് സ്വീകരിച്ച ശേഷം ഗണപതി ഹോമം നടക്കുന്ന മണ്ഡപത്തില്‍ എത്തിക്കും.തുടര്‍ന്ന് തന്ത്രി കണ്ഠര് രാജീവരര് നെല്‍ക്കതിരുകള്‍ പൂജിച്ച് ക്ഷേത്ര പ്രദക്ഷിണം നടത്തി ശ്രീകോവിനുള്ളിലേക്ക് കൊണ്ടുപോകും.

ഭഗവാന് മുന്നില്‍ കതിരുകള്‍ വച്ച് പ്രത്യേക പൂജ നടത്തും. പിന്നീട് ശ്രീകോവിലിന് മുന്‍പില്‍ നെല്‍ക്കതിരുകള്‍ കെട്ടിയിടും.തുടര്‍ന്ന് ഭക്തര്‍ക്ക് പ്രസാദമായി വിതരണം ചെയ്യും. നിറപുത്തരി ചടങ്ങുകള്‍ പൂര്‍ത്തിയാക്കി ക്ഷേത്രനട രാത്രി 10ന് അടയ്‌ക്കും.ചിങ്ങമാസ പൂജകള്‍ക്കായി 16-ാം തീയതി നട തുറക്കും.21 ന് രാത്രി പൂജകള്‍ പൂര്‍ത്തീയാക്കി തിരുനട അടയ്‌ക്കും.17ന് ആണ് ചിങ്ങം ഒന്ന്.ഓണം നാളുകളിലെ പൂജകള്‍ക്കായി ആഗസ്റ്റ് 27ന് ആണ്

ശബരിമല നട തുറക്കുക. 31ന് നട അടയ്‌ക്കും. ഓണം നാളുകളില്‍ ശബരിമലയിലെത്തുന്ന ഭക്തര്‍ക്കായി ഓണസദ്യയും ഒരുക്കുന്നുണ്ട്.ഭക്തര്‍ക്ക് വെര്‍ച്വല്‍ ക്യൂ വഴി ബുക്ക് ചെയ്ത് ദര്‍ശനത്തിനെത്താം. നിലയ്‌ക്കല്‍, പമ്പ എന്നിവിടങ്ങളില്‍ സ്‌പോട്ട് ബുക്കിംഗ് സൗകര്യവും ഉണ്ടാകും.