കാസർകോട്: സംസ്ഥാനത്ത് ഇന്നലെ രണ്ട് ജില്ലകളിലായി മൂന്ന് ട്രെയിനുകൾക്ക് നേരെയുണ്ടായ ആക്രമണം ആസൂത്രിതമെന്ന് റെയിൽവേ. കണ്ണൂരിൽ രണ്ട് ട്രെയിനുകൾക്ക് നേരെ കല്ലേറുണ്ടായതിന് പിന്നാലെയാണ് കാസർകോടും ട്രെയിനിന് നേരെ കല്ലേറുണ്ടായത്. ഓഖ എക്സ്പ്രസിന് നേരെ രാത്രി ഏഴരയോടെ കാഞ്ഞങ്ങാടിനും നീലേശ്വരത്തിനും ഇടയിൽ വച്ചാണ് കല്ലേറ് നടന്നത്. കല്ലേറിൽ ട്രെയിനിന് അകത്തേയ്ക്ക് കല്ല് പതിച്ചെങ്കിലും യാത്രക്കാർക്ക് പരിക്കില്ല.
കണ്ണൂരിൽ നേത്രാവതി എക്സ്പ്രസിനും ചെന്നൈ സൂപ്പർഫാസ്റ്റ് എക്സ്പ്രസിനും കല്ലെറിഞ്ഞ സംഭവത്തിൽ മൂന്ന്പേർ റെയിൽവേ പോലീസിന്റെ കസ്റ്റഡിയിലായി. ഇവർ മദ്യലഹരിയിലായിരുന്നുവെന്നാണ് സൂചന. ഇന്നലെ രാത്രി 7:11 നും 7:16 നും ഇടയിലാണ് ട്രെയിനിന് നേരെ കല്ലേറുണ്ടായത്.കല്ലേറിൽ രണ്ട് ട്രെയിനിന്റെയും ഗ്ലാസുകൾ പൊട്ടി. അട്ടിമറി സാധ്യതയും റെയിൽവേ പരിശോധിക്കുന്നുണ്ട്.
