നൂറ്റാണ്ടുകൾ നീണ്ട വിദേശ ഭരണത്തിൽ നിന്ന് സ്വാതന്ത്ര്യം ലഭിച്ചതിന്റെ ഓർമ പുതുക്കി രാജ്യം ഇന്ന് സ്വാതന്ത്ര്യദിനം ആഘോഷിക്കുന്നു. രാജ്യം നൂറാം സ്വാതന്ത്ര്യദിനം ആഘോഷിക്കുന്ന വേളയിൽ വികസിത രാജ്യമാക്കി മാറ്റുകയാണ് ലക്ഷ്യമെന്ന് പ്രധാനമന്ത്രി നരേന്ദ്രമോദി ചെങ്കോട്ടയിൽ നടത്തിയ പ്രസംഗത്തിൽ വ്യക്തമാക്കിയിരുന്നു.
77-ാം സ്വാതന്ത്ര്യദിനം ആഘോഷിക്കുന്ന വേളയിൽ നിരവധി പേരാണ് സമൂഹമാദ്ധ്യമങ്ങൾ വഴി ആശംസകൾ അറിയിക്കുന്നത്. ഇന്ത്യ വളർന്നുകൊണ്ടിരിക്കുന്ന ആവേശകമായ സമയത്താണ് ജീവിക്കുന്നത് എന്നതിൽ സന്തോഷമുണ്ടെന്നാണ് നടൻ ഉണ്ണി മുകുന്ദൻ കുറിച്ചത്.
യുവ ഇന്ത്യ വൻ ശക്തിയായി വളരുകയാണ്. ആഗോള തലത്തിൽ ലോകത്തിന്റെ ശ്രദ്ധ കേന്ദ്രനമാണ് ഭാരതം. കരുത്താർജിച്ച് വരുന്ന് രാജ്യത്തിന്റെ യുവ കാലഘട്ടത്തിൽ ജീവിക്കാൻ കഴിയുന്നത് ഭാഗ്യമാണ്. ഇന്ത്യയുടെ വളർച്ചയിൽ ആകംക്ഷാഭരിതനാണ്. സ്വാതന്ത്ര്യമാകുന്ന വെളിച്ചത്തിൽ രാജ്യം തിളങ്ങട്ടെ. ഇനിയും മുന്നോട്ടുള്ള പാതയിൽ അനുദിനം വളരട്ടെയെന്നും അദ്ദേഹം കുറിച്ചു.
ഓരോ ഇന്ത്യക്കാരന്റെയും ഉള്ളും ഇന്ന് അഭിമാനത്താൽ ജ്വലിക്കുകയാണ്. നൂറ്റാണ്ടുകൾ നീണ്ട പോരാട്ടത്തിനൊടുവിൽ മഹാന്മാർ നേടിയെടുത്ത സ്വാതന്ത്ര്യം ഇന്നും നാം അനുഭവിക്കുന്നു. രാജ്യത്തിന്റെ ഈ മഹത്വം ആഘോഷിക്കപ്പെടേണ്ടതാണ്. പതാകകൾ ഉയർത്തി, അഭിമാനത്താൽ ജ്വലിക്കുന്ന ഹൃദയങ്ങളുമായി, നമുക്ക് ഐക്യത്തോടെ ഒത്തുചേരാം-സമൂഹമാദ്ധ്യമങ്ങളിൽ സുരേഷ് ഗോപി കുറിച്ചു.
