ന്യൂഡൽഹി: അതിർത്തി കടന്ന് ലഹരി കടത്താൻ ശ്രമിച്ച രണ്ട് പാകിസ്താൻ പൗരന്മാർ പിടിയിൽ. രഹസ്യാന്വേഷണ വിഭാഗം നടത്തിയ പരിശോധനയിലാണ് പഞ്ചാബ് അതിർത്തിയിൽ നിന്ന് രണ്ട് പേർ പിടിയിലായത്. പാകിസ്താനിൽ നിന്ന് ഇന്ത്യയിലേയ്ക്ക് മയക്കുമരുന്ന് കടത്തുന്ന ശൃംഖലയിലെ പ്രധാന കണ്ണികളാണ് അറസ്റ്റിലായതെന്ന് പോലീസ് അറിയിച്ചു.
അതിർത്തി സുരക്ഷാസേനയും പഞ്ചാബ് പോലീസും സംയുക്തമായി നടത്തിയ ഓപ്പറേഷനിൽ ഇവരുടെ പക്കൽ നിന്ന് 26 കിലോ ഹെറോയിൻ പിടികൂടി. സുരക്ഷാ സേനയുമായുള്ള ഏറ്റുമുട്ടലിൽ ഒരു പാക് പൗരന് പരിക്കേറ്റിട്ടുണ്ട്.
നേരത്തെയും ഡ്രോൺ വഴി ഇന്ത്യയിലേക്ക് കടത്താൻ ശ്രമിച്ചിരുന്ന ലഹരി പദാർത്ഥങ്ങൾ സൈന്യം പിടികൂടിയിരുന്നു. പാകിസ്താനിൽ നിന്ന് ഇന്ത്യയിലേയ്ക്കുളള ലഹരിക്കടത്തിന് പാക് അധികൃതരുടെ സഹായം ലഭിക്കുന്നതായാണ് സൂചന.
Comments