ബഹിരാകാശ ലോകത്ത് ഇന്ത്യ ചരിത്രം സൃഷ്ടിച്ചു. 2023 ഓഗസ്റ്റ് 24 എന്ന ഈ തീയതി ഇന്ത്യയുടെ ചരിത്രത്തിൽ സുവർണ്ണ ലിപികളിൽ രേഖപ്പെടുത്തപ്പെട്ടിരിക്കുന്നു. ഇന്ത്യൻ സ്പേസ് റിസർച്ച് ഓർഗനൈസേഷന്റെ (ഐഎസ്ആർഒ) ദൗത്യം ചന്ദ്രയാൻ-3 വിജയിച്ചു. ചന്ദ്രയാൻ 3ന്റെ വിക്രം ലാൻഡർ ചന്ദ്രന്റെ ഉപരിതലത്തിൽ വിജയകരമായി ഇറങ്ങി. ചാന്ദ്രയാൻ സോഫ്റ്റ് ലാൻഡിംഗ് നടത്തിയതോടെ ചന്ദ്രനിൽ എത്തുന്ന നാലാമത്തെ രാജ്യമായി ഇന്ത്യ മാറി.
സോഫ്റ്റ് ലാൻഡിംഗ് വിജയകരമായതോടെ “ചന്ദ്രയാൻ -3 ദൗത്യത്തിൽ നിന്നുള്ള സന്ദേശം ഐഎസ്ആർഒ ട്വീറ്റ് ചെയ്തു . ‘ ഞാൻ എന്റെ ലക്ഷ്യസ്ഥാനത്ത് എത്തി, നിങ്ങളും. ചന്ദ്രയാൻ -3 വിജയിച്ചു. ചന്ദ്രനിൽ വിജയകരമായി ഇറങ്ങിയതിന് മുഴുവൻ രാജ്യത്തിനും അഭിനന്ദനങ്ങൾ ‘ ഇത്തരത്തിലായിരുന്നു ട്വീറ്റ് .
ദക്ഷിണാഫ്രിക്കയിൽ നിന്ന് വീഡിയോ കോൺഫറൻസിംഗിലൂടെ പ്രധാനമന്ത്രിയും ഐഎസ്ആർഒ കേന്ദ്രവുമായി ബന്ധപ്പെട്ടിരുന്നു. രാജ്യത്തെ മുഴുവൻ അഭിനന്ദിച്ച പ്രധാനമന്ത്രി ഇത്തരം ചരിത്ര മുഹൂർത്തങ്ങൾ കാണുമ്പോൾ ഞങ്ങൾക്ക് അഭിമാനം തോന്നുന്നുവെന്നും പറഞ്ഞു. ഇത് പുതിയ ഇന്ത്യയുടെ ഉദയമാണ്. ഞങ്ങൾ ഭൂമിയിൽ ഒരു പ്രമേയം ഉണ്ടാക്കുകയും ചന്ദ്രനിൽ അത് സാക്ഷാത്കരിക്കുകയും ചെയ്തു. ഇന്ത്യ ഇപ്പോൾ ചന്ദ്രനിലാണ്.- എന്നായിരുന്നു മോദിയുടെ പ്രതികരണം .
