മേവാത്ത് ; നുഹ് അക്രമത്തിന്റെ മറവിൽ ക്ഷേത്രത്തിന് ചുറ്റും തീയിട്ട പ്രതിയെ പോലീസ് വെടിവച്ച് വീഴ്ത്തി . ഹരിയാനയിലെ മേവാത്ത് മേഖലയിലെ ബ്രിജ് മണ്ഡല് യാത്രയ്ക്കിടെയാണ് നുഹ് ആക്രമണം ഉണ്ടായത് . ഇതിന്റെ മറവിൽ നൽഹദ് ക്ഷേത്രത്തിന് സമീപം തീയിടുകയും , ഭക്തരുടെ വാഹനങ്ങൾ കത്തിക്കുകയും ചെയ്തിരുന്നു . ഈ കേസിലെ പ്രതിയായ ഒസാമ ഒളിവിലായിരുന്നു . പിടികൂടാനുള്ള ശ്രമത്തിനിടെ ഒസാമ പോലീസിനെയും അക്രമിക്കാൻ ശ്രമിച്ചു . തുടർന്ന് പോലീസ് ഒസാമയെ വെടിവച്ച് വീഴ്ത്തുകയായിരുന്നു.
ഒളിവിലായിരുന്ന ഒസാമ തന്റെ ഗ്രാമമായ ഫിറോസ്പൂർ നാമക്കിൽ നിന്ന് ആലി മിയോയിലേക്ക് പോകുന്നതായി പോലീസ് കണ്ടെത്തിയിരുന്നു . ഉജിന കനാൽ ഡ്രെയിനിനു സമീപം പോലീസ് ഒസാമയെ വളഞ്ഞപ്പോൾ ഇയാൾ പൊലീസിനു നേരെ വെടിയുതിർക്കുകയായിരുന്നു. പോലീസ് തിരിച്ച് വെടിയുതിർത്തതോടെ ഒസാമയുടെ കാലിന് വെടിയേറ്റു. പിന്നാലെ പോലീസ് ഒസാമയെ അറസ്റ്റ് ചെയ്ത് നൽഹാദ് മെഡിക്കൽ ആശുപത്രിയിലേക്ക് കൊണ്ടുപോയി . പ്രതിയിൽ നിന്ന് അനധികൃത നാടൻ പിസ്റ്റൾ, മോട്ടോർ സൈക്കിൾ എന്നിവ കണ്ടെടുത്തു.
