ജാപ്പനീസ് ഭക്ഷണങ്ങൾക്ക് നമ്മുടെ നാട്ടിൽ പ്രചാരം ഏറികൊണ്ടിരിക്കുകയാണ്. അതിനാൽ തന്നെ മിക്ക പച്ചക്കറികളും നമ്മൾ സാലഡുകളാക്കിയും വേവിക്കാത്ത രീതിയിലുള്ള ആഹാര പദാർത്ഥങ്ങളാക്കിയുമാണ് കഴിക്കുന്നത്. എന്നാൽ ചില പച്ചക്കറികൾ വേവിക്കാതെ കഴിക്കുന്നത് ശരീരത്തിന് ഹാനികരമാണ്. അവ ഏതൊക്കെയെന്ന് നോക്കാം..
കാബേജ്
ജാപ്പനീസ് ഇസകായ സ്റ്റൈലിൽ ഉണ്ടാക്കുന്ന ‘യമിത്സുകി’, സുഷി തുടങ്ങിയ ഭക്ഷണങ്ങളിൽ പച്ചക്കറികൾ നമ്മൾ വേവിക്കാതെയായിരിക്കും ഉപയോഗിക്കുക. എന്നാൽ കാബേജ് വേവിക്കാതെ ഭക്ഷണത്തിൽ ഉൾപ്പെടുത്തുന്നത് ശരീരത്തിൽ നാടവിര ശല്യം വർദ്ധിപ്പിക്കാൻ സാദ്ധ്യതയുണ്ട്. ഇതുമൂലം ദഹന പ്രശ്നങ്ങളും അസ്വസ്ഥതകളും ഉണ്ടാവാൻ ഇടയുണ്ട്. ഇത്തരം പ്രശ്നങ്ങൾ ഒഴിവാക്കാൻ കാബേജ് വേവിച്ചു മാത്രം കഴിക്കുക.
വഴുതന
മിക്ക വീടുകളിലും സ്ഥിരമായി ഉപയോഗിക്കുന്ന പച്ചക്കറിയായിരിക്കും വഴുതന. ഇവയുടെ കുരുക്കളിൽ നാടവിരകളും അവയുടെ മുട്ടകളും ധാരാളം ഉണ്ടാകാൻ ഇടയുണ്ട്. അതിനാൽ ഈ പച്ചക്കറികൾ നന്നായി വൃത്തിയാക്കി വേവിച്ചതിന് ശേഷം മാത്രം കഴിക്കാൻ ശ്രദ്ധിക്കുക.
കാപ്സിക്കം
പച്ച, മഞ്ഞ, ചുവപ്പ് അങ്ങനെ വിവിധ നിറങ്ങളിലുള്ള കാപസിക്കം വിപണിയിൽ സുലഭമാണ്. കാണാൻ ഭംഗിയുള്ള ഈ പച്ചക്കറിയിലുമുണ്ട് ഒളിഞ്ഞിരിക്കുന്ന വിരുതന്മാർ. അതിനാൽ ഇവ നന്നായി വൃത്തിയാക്കി കഴിക്കേണ്ടത് അനിവാര്യമാണ്. ആദ്യം കാപ്സിക്കത്തിന്റെ രണ്ടു ഭാഗങ്ങളും മുറിച്ചു മാറ്റുക. തുടർന്ന് അവയുടെ വിത്തുകളും നീക്കം ചെയ്യുക. കാരണം കാപ്സിക്കത്തിന്റെ വിത്തിൽ നാടവിരകളുടെ മുട്ടകൾ കാണും. ഇത് ആരോഗ്യത്തിനു ദോഷം ചെയ്യും. ചൂടുവെള്ളത്തിലിട്ട് കാപ്സിക്കം നന്നായി കഴുകിയെടുക്കാനും ശ്രദ്ധിക്കുക.
Comments