കോഴിക്കോട്: വിനോദ സഞ്ചാരത്തിനായി പുതുപ്പാടി കക്കാട് ഇക്കോ ടൂറിസം കേന്ദ്രത്തിലെത്തിയ യുവതി ഒഴിക്കിൽപ്പെട്ട് മരിച്ചു. മലപ്പുറം അങ്ങാടിപ്പുറം സ്വദേശി തസ്നീം(31) ആണ് മരിച്ചത്. കൂടെയുണ്ടായിരുന്ന സുഹൃത്തിനെ രക്ഷപ്പെടുത്തി ആശുപത്രിയിൽ പ്രവേശിപ്പിച്ചു.
ഈങ്ങാപ്പുഴ കക്കാട് ടൂറിസത്തിൽ വൈകീട്ടോടെയാണ് സംഭവം നടക്കുന്നത്. പ്രദേശത്തുണ്ടായ അപ്രതീക്ഷിത മഴയെ തുടർന്നുണ്ടായ മഴവെള്ളപ്പാച്ചിലിൽ യുവതിയും സുഹൃത്തായ റാഷിദും ഒഴികിപ്പോകുകയായിരുന്നു.
തുടർന്ന് നടത്തിയ രക്ഷാപ്രവർത്തനത്തിൽ ആദ്യം റാഷിദിനെയാണ് കണ്ടെത്തിയത്. പിന്നീട് നാട്ടുകാർ ചേർന്ന് നടത്തിയ അന്വേഷണത്തിലാണ് തസ്നീമിനെ കണ്ടെത്തുന്നത്. റാഷിദ് ഈങ്ങാപ്പുഴ സ്വകാര്യ ആശുപത്രിയിയിൽ ചികിത്സയിലാണ്. യുവതിയെ കോഴിക്കോട് മെഡിക്കൽ കോളേജിൽ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല.
