ഒന്നുമാത്രം; നെതർലൻഡ് ടീം പന്തെറിയാൻ ആൾക്കാരെ വിളിക്കുന്നു

ആംസ്റ്റർഡാം: ഏകദിന ക്രിക്കറ്റ് ലോകകപ്പിൽ മികച്ച പ്രകടനം കാഴ്ചവയ്‌ക്കാൻ ഇന്ത്യൻ താരങ്ങളെ തേടി നെതർലാൻഡ്‌സ് ക്രിക്കറ്റ്. നെറ്റ്‌സിൽ പന്തെറിയാനാണ് ഇന്ത്യൻ താരങ്ങളെ തേടുന്നത്. അപ്രതീക്ഷിതമായി ലോകപ്പിന് യോഗ്യത നേടിയ ടീം വമ്പന്മാരെ അട്ടിമറിച്ച് ലോകചാമ്പ്യൻമാരാകാനുളള തയ്യാറെടുപ്പിലാണ്. മികച്ച പ്രകടനം നടത്താനായുളള പരിശീലനത്തിനായി മികച്ച വേഗതയിൽ പന്തെറിയുന്ന ബൗളർമാരെ ഇന്ത്യയിൽ നിന്ന് കണ്ടെത്താനാണ് നെതർലാൻഡ്‌സിന്റെ തീരുമാനം. ഇതിനായി താരങ്ങളെ തേടിയുളള അറിയിപ്പ് ട്വിറ്ററിലൂടെ(എക്‌സ്) നെതർലാൻഡ്‌സ് അറിയിച്ചു.

ഇടംകൈ, വലം കൈ പേസർമാരെയാണ് ടീമിന് ആവശ്യം. 120 കിലോ മീറ്ററിന് മുകളിൽ ബോളെറിയാനുളള വേഗത വേണം. മിസ്റ്ററി സ്പിന്നർക്കും ഇടംകയ്യൻ സ്പിന്നർക്കും അവസരമുണ്ട്. വേഗത 80 കിലോ മീറ്ററിന് മുകളിലാകണം. 18 വയസിന് മുകളിലുള്ള ഇന്ത്യൻ പൗരനായിരിക്കണം.ഇത്രയും കഴിവുണ്ടെങ്കിൽ ആറ് പന്തുകളെറിയുന്ന വീഡിയോ സെപ്റ്റംബർ 17നകം അയയ്‌ക്കുക. ക്യാമറയിൽ ചിത്രീകരിച്ചതും എഡിറ്റ് ചെയ്യാത്തതുമായ വീഡിയോയാണ് നെതർലാൻഡ്‌സ് ക്രിക്കറ്റ് ആവശ്യപ്പെട്ടിരിക്കുന്നത്.

വെസ്റ്റ് ഇൻഡീസിനെയും സിംബാബ്വെയെയും തോൽപ്പിച്ചാണ് നെതർലാൻഡ്‌സ് ലോകകപ്പിന് യോഗ്യതനേടിയത്. 2011 ന് ശേഷം ഇതാദ്യമായാണ് നെതർലാൻഡ്‌സ് ഏകദിന ലോകകപ്പിന് എത്തുന്നത്. യോഗ്യതാ റൗണ്ടിലെ പ്രകടനം ആവർത്തിക്കാനായാൽ ലോകകപ്പിലും നെതർലാൻഡ്‌സ് അട്ടിമറികൾ ഉണ്ടായേക്കും.

If you can bowl and want to be a part of the team’s ICC Men’s ODI World Cup 2023 preparations, then head over to the link below and upload your videohttps://t.co/cQYjcW7bQq pic.twitter.com/S4TX8ra7pN

— Cricket🏏Netherlands (@KNCBcricket) September 7, 2023

“>