തരിമ്പ് പോരാട്ടവീര്യം പോലും കാണിക്കാതെ ഇന്ത്യയ്‌ക്ക് മുന്നില്‍ കീഴടങ്ങി, പരിതാപകരം; കനത്ത തോല്‍വിയില്‍ പാകിസ്താനെതിരെ പൊട്ടിത്തെറിച്ച് ഷാഹിദ് അഫ്രീദി

പാകിസ്താന്റെ വമ്പന്‍ തോല്‍വിയില്‍ ടീമിനെതിരെ പൊട്ടിത്തെറിച്ച് മുന്‍ നായകനായിരുന്ന ഷാഹിദ് അഫ്രീദി. ഒരു വെല്ലുവിളി പോലും ഉയര്‍ത്താതെ ഇന്ത്യയ്‌ക്ക് മുന്നില്‍ കീഴടങ്ങേണ്ടിവന്നതാണ് അഫ്രീദിയെ ചൊടിപ്പിച്ചത്. ട്വിറ്ററിലൂടെയാണ് (എക്‌സ്) താരം തന്റെ അരിശം വ്യക്തമാക്കിയത്.

‘ജയിക്കുക അല്ലെങ്കില്‍ തോല്‍ക്കുക എന്നത് മത്സരത്തിന്റെ ഭാഗമാണ്, എന്നാല്‍ ഒരു തരിമ്പ് പോരാട്ടം വീര്യം പോലും കാണിക്കാതിരിക്കുക, വിജയിക്കാനുള്ള ഒരു ശ്രമം പോലും നടത്താതിരിക്കുക എന്നിവ മോശമാണ്’- എക്സില്‍ പങ്കുവച്ച കുറിപ്പില്‍ അഫ്രീദി പറയുന്നു.

ഫീല്‍ഡിംഗിലും ബാറ്റിംഗിലും ബൗളിംഗിലും ഇന്ത്യ ഒന്നാം നമ്പര്‍ ആയിരുന്നു. ഏകദിന റണ്ണുകളുടെ മറ്റൊരു സ്വപ്ന നാഴികക്കല്ല് പിന്നിട്ടതില്‍ കോഹ്‌ലിയേയും മികച്ച സെഞ്ച്വറി നേടിയ കെ.എല്‍ രാഹുലിനേയും താന്‍ അഭിനന്ദിക്കുന്നതായും അഫ്രീദി പറഞ്ഞു.
വമ്പന്‍ തോല്‍വിയിലും പാകിസ്താന്‍ തളരരുതെന്നും അടുത്ത മത്സരത്തില്‍ നിങ്ങള്‍ക്ക് ഇതിലും മികച്ചത് ചെയ്യാന്‍ കഴിയുമെന്നും പറഞ്ഞാണ് അഫ്രീദി കുറിപ്പ് അവസാനിപ്പിക്കുന്നത്.

.ഇന്ത്യ ഉയര്‍ത്തിയ 356 റണ്‍സ് പിന്തുടര്‍ന്ന പാകിസ്താന്‍ 128 റണ്‍സിന് ഓള്‍ ഔട്ടായിരുന്നു. ഇതോടെ 228 റണ്‍സിന്റെ കൂറ്റന്‍ ജയമാണ് ഇന്ത്യ സ്വന്തമാക്കിയത്. ഏകദിന ചരിത്രത്തില്‍ ഇന്ത്യയുടെ നാലാമത്തെ ഏറ്റവും വലിയ വിജയമാണ് കൊളംബോയിലേത്.

Winning/losing is part of competing, but not putting up a fight, not showing intent to win is just poor. Exactly what I was referring to in my previous tweet.
India played as #1 on the field, batting & bowling. Congrats @imVkohli on achieving another dream milestone of ODI runs…

— Shahid Afridi (@SAfridiOfficial) September 11, 2023

“>