ന്യൂഡൽഹി: ഇന്ദിരയിൽ നിന്നും ഗാന്ധി കുടുംബത്തിൽ നിന്നും പഠിച്ച പാഠങ്ങൾ ഉൾക്കൊണ്ടതു കൊണ്ടാണ് നരേന്ദ്രമോദി സർക്കാരിന് ജി20 ഉച്ചകോടി വിജയിപ്പിക്കാൻ സാധിച്ചതെന്ന് റോബർട്ട് വാദ്ര. കഴിഞ്ഞ ദിവസമാണ് ജി20 വിജയത്തിന്റെ ക്രഡിറ്റ് നെഹ്‌റു കുടുംബത്തിനാണെന്ന അവകാശവാദവുമായി പ്രിയങ്കയുടെ ഭർത്താവ് റോബർട്ട് വാദ്ര രംഗത്ത് വന്നത്.
‘അന്തരിച്ച മുൻ പ്രധാനമന്ത്രി ഇന്ദിരയിൽ നിന്നും ഗാന്ധി കുടുംബത്തിൽ നിന്നും പ്രചോദനം ഉൾക്കൊണ്ടാണ് മോദി സർക്കാർ ഇത്രയും വലിയ വിജയം നേടിയത്. അന്താരാഷ്‌ട്ര പിന്തുണ ഉറപ്പാക്കാൻ കോൺഗ്രസ് സർക്കാരുകൾ നിരവധി കാര്യങ്ങളാണ് ചെയ്തത് അതിന്റെ തുടർച്ചമാത്രമാണ് ഇപ്പോൾ കാണുന്നത് വാദ്ര പറഞ്ഞു.
ജി 20 ഉച്ചകോടിക്ക് എത്തിയ എല്ലാ അതിഥികളെയും അഭിനന്ദിക്കുന്നു, ഇത് അഭിമാന നിമിഷമാണ്, ഇത്തരം പരിപാടികൾ നടത്തുന്നതിൽ ഇന്ദിരാജിയുടെ പങ്ക് നിർണായകമാണ്. പ്രിയങ്കയുടെ കുടുംബവും ഗാന്ധി കുടുംബവും എപ്പോഴും ഒരുപാട് കാര്യങ്ങൾ ചെയ്തിട്ടുണ്ട്. നമ്മുടെ രാജ്യത്തിന് അന്താരാഷ്‌ട്ര പിന്തുണ കൊണ്ടുവരുന്നതിൽ കുടുംബം പ്രധാന പങ്കാണ് വഹിച്ചത്. അത് ഇനിയും തുടരുകയും ചെയ്യും. ജി20 വിജയത്തിൽ രാഹുലിന്റെ പങ്കും നിർണായകമാണ് കോൺഗ്രസ് കുടുംബത്തിലെ മരുമകൻ പറയുന്നു. ജി20 പ്രതിനിധികൾക്കും നേതാക്കൾക്കും ഞാൻ ആശംസകൾ നേരുന്നു. ജി20 വിജയിക്കുമെന്ന് ഉറപ്പാണെന്നും വാദ്ര കൂട്ടിച്ചേർത്തു.
ജി 20 ഉച്ചകോടിയുടെ വിജയത്തിൽ കോൺഗ്രസ് നേതാവ് ശശി തരൂരിന്റെ പ്രശംസയെക്കുറിച്ച് ചോദിച്ചപ്പോൾ, മോദി സർക്കാർ ശ്രീമതി ഇന്ദിരാഗാന്ധിയിൽ നിന്നും ഗാന്ധി കുടുംബത്തിൽ നിന്നും കോൺഗ്രസിൽ നിന്നും കാര്യങ്ങൾ പഠിച്ചു. അത് മറക്കരുതെന്നായിരുന്നു വാദ്രയുടെ പ്രതീകരണം.
