ഏഷ്യാകപ്പിലെ സൂപ്പര്‍ പോരാട്ടത്തിന് മുന്‍പ് പരിക്കേറ്റ് പുറത്തായ ശ്രേയസ് അയ്യറുടെ ആരോഗ്യസ്ഥിതിയില്‍ വെളിപ്പെടുത്തലുമായി ബിസിസിഐ. ശ്രീലങ്കയ്‌ക്കെതിരായ മത്സരത്തിലും ഇന്ത്യന്‍ ടീമില്‍ നിന്ന് ശ്രേയസ് പുറത്തായി.ശ്രേയസ് പുറം വേദനയില്‍ നിന്ന് സുഖം പ്രപിച്ചു വരുന്നു എന്ന് അറിയിച്ച ബിസിസിഐ പരിക്ക് പൂര്‍ണ്ണമായും വിട്ട് മാറാത്തതിനാല്‍ അദ്ദേഹം ടീമിനൊപ്പം സ്റ്റേഡിയത്തിലേക്ക് യാത്ര തിരിച്ചിട്ടില്ലെന്നും അറിയിച്ചു. പൂര്‍ണമായി ശാരീരിക ക്ഷമത വീണ്ടെടുക്കാതെ താരത്തെ ടീമില്‍ ഉള്‍പ്പെടുത്തിയതില്‍ വലിയ വിമര്‍ശനങ്ങള്‍ കേള്‍ക്കുന്നതിനിടെയാണ് താരത്തിന് വീണ്ടും പരിക്കേറ്റത്.
‘ശ്രേയസ് അയ്യര്‍ സുഖം പ്രാപിക്കുന്നു, പക്ഷേ പുറംവേദനയില്‍ നിന്ന് പൂര്‍ണ്ണമായി വിമുക്തനായിട്ടില്ല. ബിസിസിഐ മെഡിക്കല്‍ ടീം അദ്ദേഹത്തിന് വിശ്രമം നിര്‍ദ്ദേശിച്ചിരിക്കുകയാണ്. ഇതോടെ ശ്രീലങ്കയ്‌ക്കെതിരായ ഇന്ത്യയുടെ സൂപ്പര്‍ 4 മത്സരത്തിനായി ടീമിനൊപ്പം ഇന്ന് സ്റ്റേഡിയത്തിലേക്ക് അദ്ദേഹം യാത്ര ചെയ്തിട്ടില്ല’ ബിസിസിഐ ട്വിറ്ററിലൂടെ അറിയിച്ചു.
ഇതോടെ ഏഷ്യാകപ്പിലെ താരത്തിന്റെ പങ്കാളിത്തം അനിശ്ചിതത്വത്തിലായി. നിലവില്‍ ശ്രേയസിന്റെ കാര്യം ഒട്ടും ശുഭകരമല്ലെന്നാണ് പുറത്ത് വരുന്ന റിപ്പോര്‍ട്ട്. മാസങ്ങളായി ടീമിന് പുറത്തായിരുന്ന താരം ഏഷ്യാകപ്പിലാണ് മടങ്ങിയെത്തിയത്. ലോകകപ്പ് ടീമിലും താരത്തെ ഉള്‍പ്പെടുത്തിയിട്ടുണ്ടെങ്കിലും പരിക്ക് വില്ലനായാല്‍ പകരം താരത്തെ പരിഗണിക്കേണ്ടി വരും. ഇതിനിടെ സോഷ്യല്‍ മീഡിയയില്‍ സഞ്ജു സാംസണായി മുറവിളി കൂട്ടുന്നുണ്ട്.
UPDATE – Shreyas Iyer is feeling better but is yet to fully recover from back spasm. He has been adviced rest by the BCCI Medical Team and has not travelled with the team to the stadium today for India’s Super 4 match against Sri Lanka.#AsiaCup2023 pic.twitter.com/q6yyRbVchj
— BCCI (@BCCI) September 12, 2023
“>
Comments