ഐഫോൺ 15 സീരീസ് ലോഞ്ച് ഇവന്റിൽ വാച്ച് 9, അൾട്രാ 2 എന്നീ മോഡൽ വാച്ചുകളും ആപ്പിൾ അവതരിപ്പിച്ചു. കഴിഞ്ഞ വർഷം കമ്പനി പുറത്തിറക്കിയ സ്മാർട്ട് വാച്ചിന്റെ അപ്ഡേഷൻ എന്ന നിലയിലാണ് സ്മാർട്ട് വാച്ച് 9 അവതരിപ്പിച്ചിരിക്കുന്നത്. പുതിയ എസ്9 ചിപ്പ്സെറ്റിനൊപ്പം ആണ് പുതിയ വാച്ച് സീരീസ് 9 അവതരിപ്പിച്ചത്.
ഡബിൾ ടാപ്പ് ഫീച്ചറാണ് വാച്ചിന്റെ പ്രത്യേകത. ഫോൺ വിളിക്കാനും കട്ട് ചെയ്യാനും അലാറം ഓഫ് ചെയ്യാനും തുടങ്ങി നിരലധി ഫീച്ചറുകൾ വാച്ചിൽ പ്രവർത്തിപ്പിക്കാൻ സഹായിക്കുന്ന പുതിയ സാങ്കേതിക വിദ്യയാണ് ഡബിൾ ടാപ്പ്. ഉപയോക്താക്കൾക്ക് ചൂണ്ടുവിരലും തള്ളവിരലും ഉപയോഗിച്ച് വേഗത്തിൽ രണ്ട് തവണ തൊടുന്നതോടെ സേവനം ലഭ്യമാകുന്നു. ഒരു കൈകൊണ്ട് വാച്ച് സീരീസ് 9 എളുപ്പത്തിൽ നിയന്ത്രിക്കാൻ നിയന്ത്രിക്കാൻ സാധിക്കുന്നു.
ഉപഭോക്താക്കൾക്ക് വാച്ചിന്റെ ഡിസ്പ്ലേയിൽ തൊടേണ്ട ആവശ്യമില്ല എന്നതാണ് പ്രത്യേകത. ആപ്പിൾ വിഷൻ പ്രൊ രജിസ്റ്റർ കൺട്രോളിന്റെ സഹായത്തോടെയാണ് പുതിയ സാങ്കേതിക വിദ്യ ആപ്പിൾ അവതരിപ്പിച്ചിരിക്കുന്നത്. രാജ്യത്ത് 41,900 രൂപയിലാണ് ആപ്പിൾ വാച്ച് സീരീസ് 9-ന്റെ വില ആരംഭിക്കുന്നത്.കുറഞ്ഞ വിലയിലുള്ള ആപ്പിൾ വാച്ച് എസ്ഇയും എത്തിയിട്ടുണ്ട്. ഒറ്റ ചാർജിംഗിൽ 18 മണിക്കൂർ വരെ ബാറ്ററി ലഭിക്കും. ആപ്പിൾ വാച്ച് സീരീസ് 9-ന്റെ അലുമിനിയം പതിപ്പ് പിങ്ക്, സ്റ്റാർലൈറ്റ്, സിൽവർ, മിഡ്നൈറ്റ്, പ്രൊഡക്റ്റ് റെഡ് എന്നീ നിറങ്ങളിൽ ലഭ്യമാണ്. ഇതിന് പുറമെ സ്റ്റെയിൻലെസ് സ്റ്റീൽ പതിപ്പ് ഗോൾഡ്, സിൽവർ, ഗ്രാഫൈറ്റ് എന്നീ നിറങ്ങളിലും ഈ വാച്ച് ലഭ്യമാണ്.
