പ്രധാനസേവകന്റെ 73-ാം ജന്മദിനം ഭാരതം ആഘോഷമാക്കുമ്പോൾ ഇന്ത്യയ്‌ക്കു പുറത്തും മോദി തരംഗം അലയടിക്കുകയാണ്. നിരവധി പേരാണ് പ്രധാനമന്ത്രിക്ക് ആശംസകളുമായി രംഗത്തെത്തിയത്. ഭാരതത്തിന്റെ സ്‌നേഹവും പ്രാർത്ഥനകളും പ്രധാനമന്ത്രിക്കായി നൽകുമ്പോൾ ഇന്ത്യൻ വ്യോമയാന മന്ത്രി ജ്യോതിരാദിത്യ സിന്ധ്യ എക്‌സിൽ പങ്കുവെച്ച വീഡിയോയാണ് ഇപ്പോൾ സമൂഹമാദ്ധ്യമങ്ങളിൽ തരംഗമാകുന്നത്.
സ്‌കൈ ഡൈവ് ചെയ്യുന്ന ഒരു വ്യക്തിയുടെ ദൃശ്യങ്ങളാണ് സിന്ധ്യ കാണികൾക്കായി പങ്കുവെച്ചിരിക്കുന്നത്. വീഡിയോയിൽ ഇന്ത്യൻ ഭൂപടത്തിൽ പ്രധാനമന്ത്രി നരേന്ദ്രമോദിയുടെ ചിത്രം കാണാം. ഇതുയർത്തി പിടിച്ചാണ് സുദീപ് കൊടവതി എന്ന യുവാവ് പ്രധാനമന്ത്രിക്ക് വ്യത്യസ്തമാർന്ന രീതിയിൽ ജന്മദിനാശംസകൾ പങ്കുവച്ചത്. അമേരിക്കയിൽ സ്ഥിരതാമസമാക്കിയ ഇന്ത്യൻ എഞ്ചിനീയറാണ് സുദീപ്.
പ്രധാനമന്ത്രി നരേന്ദ്രമോദി ജിയോട് ഭാരതീയർക്കുള്ള സ്‌നേഹം സവിശേഷതയാർന്നതാണ്. യുഎസിൽ നിന്നും ഇത്തരത്തിൽ അസാധാരണമായ ആശംസകൾ അദ്ദേഹത്തിന് നൽകിയതിന് സുദീപ്‌കൊടവതിക്ക് അഭിനന്ദനങ്ങൾ- ജ്യോതിരാദിത്യ സിന്ധ്യ എക്‌സിൽ കുറിച്ചു.
“>
അതേസമയം ലോകത്തിന്റെ വിവിധ തലങ്ങളിൽ നിന്നും പ്രധാനമന്ത്രിയുടെ ജന്മദിനത്തിൽ ആശംസകൾ നേർന്ന് നിരവധി പേരാണ് രംഗത്തെത്തിയിരിക്കുന്നത്. ലോകത്തിന്റെ നെറുകയിൽ ഭാരതത്തിന്റെ സേവകൻ നിൽക്കുന്ന കാഴ്ചയ്‌ക്കാണ് ഓരോ ഇന്ത്യൻ പൗരനും സാക്ഷിയാകുന്നത്.
Leave a Comment