ഏഷ്യാകപ്പില്‍ നാണംകെട്ട് പുറത്തായതിന് പിന്നാലെ പാകിസ്താനെയും ക്യാപ്റ്റന്‍ ബാബര്‍ അസമിനെ പരിഹസിച്ചും മുന്‍പേസര്‍ മുഹമ്മദ് ആമിര്‍ രംഗത്തെത്തി. കുഞ്ഞന്‍ ടീമുകളെ വിളിച്ചുവരുത്തി മര്‍ദ്ദിച്ചും അവര്‍ക്കെപ്പം പരമ്പര കളിച്ചുമാണ് പാകിസ്താനും നായകന്‍ ബാബറും ഐസിസി റാങ്കിംഗില്‍ മുന്നിലെത്തുന്നതെന്നാണ് ആമിറിന്റെ പരിഹാസം.
‘ഐസിസി റാങ്കിംഗ് ഓരോ ആഴ്ചയും മാറിക്കൊണ്ടിരിക്കും. നിങ്ങള്‍ 40 മത്സരങ്ങളും കളിച്ച്, ചിലതില്‍ 20 ഉം ചിലതില്‍ 50 ഉം, 60 പന്തില്‍ 70 ഉം ഒക്കെ റണ്‍സെടുത്താല്‍ നിങ്ങളുടെ റാങ്കിംഗ് ഉയരും. എന്തുകൊണ്ടാണ് ജോസ് ബട്ലര്‍, ഡേവിഡ് മില്ലര്‍, ക്വിന്റന്‍ ഡികോക്ക് എന്നിവരൊന്നും ഒന്നാം സ്ഥാനത്തു വരാത്തത്. കാരണം ബി, സി ലെവലിലെ ടീമുകള്‍ കളിക്കാന്‍ വരുമ്പോള്‍ അവരൊന്നും സ്വന്തം ടീമുകള്‍ക്കായി ഇറങ്ങാറില്ല. കളിക്കാതിരിക്കുമ്പോള്‍ നിങ്ങളുടെ റാങ്കിംഗും താഴും’ 24 ന്യൂസ് ചാനലിനോട് ആമിര്‍ വ്യക്തമാക്കി.
2020 മുതല്‍ ഇംഗ്ലണ്ടില്‍ താമസമാക്കിയ ആമിര്‍ പാകിസ്താന്‍ ടീമില്‍ നിന്ന് വിരമിച്ചിരുന്നു. അടുത്ത വര്‍ഷം ബ്രിട്ടീഷ് പാസ്‌പോര്‍ട്ട് ലഭിക്കുന്ന താരത്തിന് ഇംഗ്ലണ്ട് ദേശീയ ടീമിലും ഐപിഎല്ലിലും അടക്കം കളിക്കാന്‍ സാധിക്കും. ഏകദിന ക്രിക്കറ്റ് റാങ്കിംഗില്‍ ഒന്നാം സ്ഥാനത്തുള്ള പാക്കിസ്താന്‍ ഏഷ്യാകപ്പ് സൂപ്പര്‍ ഫോറില്‍ അവസാന സ്ഥാനക്കാരായാണ് ടൂര്‍ണമെന്റ് പൂര്‍ത്തിയാക്കിയത്.പരിശീലകന്‍ മിസ്ബാ-ഉള്‍-ഹഖും ബൗളിംഗ് കോച്ച് വഖാര്‍ യൂനിസും അടങ്ങുന്ന അന്നത്തെ ടീം മാനേജ്മെന്റിനോടുളള അഭിപ്രായ വ്യത്യസത്തില്‍ രൂക്ഷ വിമര്‍ശനം ഉയര്‍ത്തിയാണ് ആമിര്‍ പാകിസ്താന്‍ ടീമില്‍ നിന്ന് പടിയിറങ്ങിയത്.
View this post on Instagram
“>
