കരുത്തുറ്റ മുടിയിഴകളെ പ്രണയിക്കുന്നവർ ചിലരെങ്കിലും നമുക്കിടയിൽ ഉണ്ടാവും. ആൺകുട്ടികൾ മുടി നീട്ടി വളർത്തുമ്പോൾ ” നീയെന്താ പെണ്ണാണോ മുടി നീട്ടി വളർത്താൻ’ എന്നും പെൺകുട്ടികൾ മുടിയുടെ നീളം കുറച്ചാൽ ‘ നീയെന്താ ആണാണോ’ എന്നും ആരെങ്കിലുമൊക്കെ ചോദിക്കാതിരിക്കില്ല. എന്നാൽ അത്തരം പഴഞ്ചൻ ചിന്താഗതികളെയൊക്കെ അപ്രസക്തമാക്കി മുടി വളർത്താൻ ആഗ്രഹിക്കുന്നവർക്ക് പ്രചോദനമായിരിക്കുകയാണ് ഉത്തർപ്രദേശിലെ ഒരു കൗമാരകാരൻ.
#WATCH | Uttar Pradesh: 15-year-old Sidakdeep Singh Chahal from Greater Noida sets a Guinness World Record for longest hair on a living male teenager.
He says, “I follow Sikhism and we are forbidden from cutting our hair…I had to take a lot of care of the hair to get it to… pic.twitter.com/WpX2zsixeh
— ANI (@ANI) September 20, 2023
“>
മുട്ടറ്റം മുടിയാണ് മറ്റു കൗമാരക്കാരിൽ നിന്നും 15-കാരനായ സിദക്ദീപ് സിംഗ് ചാഹലിനെ വ്യത്യസ്തനാക്കുന്നത്. ഗ്രേറ്റർ നോയിഡയാണ് ഈ 15 വയസുകാരന്റെ സ്വദേശം. മുടി നീട്ടി വളർത്തുക മാത്രമല്ല അതിലൂടെ ഗിന്നസ് റെക്കോർഡും സിദക്ദീപ് സ്വന്തമാക്കിയിട്ടുണ്ട്. സിക്ക് മതവിശ്വാസിയായ സിദക്ദീപ് നീളമുള്ള മുടി വളർത്താൻ ഇഷ്ടപ്പെടുന്ന ആളാണ്. കുടുംബത്തിന്റെ പിന്തുണയില്ലെങ്കിൽ തനിക്ക് ഒരിക്കലും ഈ റെക്കോർഡ് സ്വന്തമാക്കാൻ സാധിക്കില്ലെന്നും മാതാപിതാക്കളാണ് മുടിയ്‌ക്കുള്ള പരിചരണം നൽകുന്നതെന്നും സിദക് പറയുന്നു.
