അർജന്റൈയ്ൻ ഫുട്ബോൾ ഇതിഹാസം ലയണൽ മെസി മുൻ ക്ലബ്ബായ പിഎസ്ജിക്കെതിരെ രൂക്ഷ വിമർശനവുമായി രംഗത്ത്. ലോകകപ്പ് നേട്ടവുമായി സ്വന്തം ക്ലബ്ബുകളിലെത്തിയ താരങ്ങളിൽ അംഗീകാരം ലഭിക്കാതിരുന്നത് തനിക്ക് മാത്രമാണ്. ഫ്രാൻസിന്റെ ലോകകപ്പ് മോഹങ്ങൾക്ക് വിരാമമിടാൻ ഞാനും കാരണമായി. ഇതെല്ലാമാണ് അർഹിക്കുന്ന അംഗീകാരം നൽകാൻ പിഎസ്ജി തയ്യാറാക്കാത്തതിന് കാരണമെന്ന് അഭിമുഖത്തിൽ മെസി പറഞ്ഞു.
പിഎസ്ജിയിൽ മികച്ച നിമിഷങ്ങൾ ഇല്ലാതിരുന്നതിന് കാരണം അർജെന്റൈയ്ൻ ദേശീയ ടീമിന്റെ ലോകകപ്പ് നേട്ടമാണ്. ഞാൻ പ്രതീക്ഷിച്ചതു പോലെ എനിക്കവിടെ മികച്ച പ്രകടനം കാഴ്ച വയ്ക്കാനായില്ല. പക്ഷേ ലോക ചാമ്പ്യനാകാനുളള എന്റെ ഊഴം അപ്പോഴായിരുന്നു. ഓൾഗയുമായുള്ള അഭിമുഖത്തിൽ താരം വ്യക്തമാക്കി. ലോകകപ്പിന് ശേഷം ക്ലബ്ബിൽ തിരിച്ചെത്തിയ മെസിയെ ലോകകപ്പ് ചാമ്പ്യനായി സ്വാഗതം ചെയ്യുന്ന വീഡിയോ പിഎസ്ജി എക്സിൽ പോസ്റ്റ് ചെയ്തിരുന്നു.
