ഹിന്ദുമതം ജനിച്ചത് പാകിസ്താനിലാണെന്ന അവകാശവാദവുമായി പാക് മന്ത്രി അബ്ബാസ് ജീലാനി . ന്യൂയോർക്കിലെ ഏഷ്യാ സൊസൈറ്റിയിൽ നടത്തിയ പ്രസംഗത്തിലാണ് പാകിസ്താന്റെ ഇടക്കാല വിദേശകാര്യ മന്ത്രിയുടെ ഈ പ്രസ്താവന .
“നമ്മുടെ രാജ്യം വളരെ പ്രധാനപ്പെട്ട ഒരു മതം ജനിച്ച രാജ്യമാണ്, ഞാൻ ഹിന്ദുമതത്തെക്കുറിച്ചാണ് സംസാരിക്കുന്നത്. അറബ് ലോകത്ത് നിന്ന് പാകിസ്താന് വളരെ പ്രധാനപ്പെട്ട ഒരു മതം നൽകപ്പെട്ടു, അത് ഇസ്ലാമാണ്, പാകിസ്താനിൽ വളർന്നുവന്ന വളരെ പ്രധാനപ്പെട്ട മതം ബുദ്ധമതമാണ്. 5000 വർഷം പഴക്കമുള്ള രാജ്യമാണ് നമ്മുടെ പാകിസ്താൻ “ ജീലാനി പറഞ്ഞു.
എന്നാൽ 1947-ൽ ഇന്ത്യ വിഭജിച്ച് സൃഷ്ടിച്ച പാകിസ്താൻ അയ്യായിരം വർഷം പഴക്കമുള്ള രാജ്യമാകുന്നത് എങ്ങനെയെന്ന് ജീലാനി വിശദീകരിച്ചില്ല. ഹിന്ദു പെൺകുട്ടികളെ പട്ടാപ്പകൽ തട്ടിക്കൊണ്ടു പോകുന്നതും ഹിന്ദു പെൺകുട്ടികൾക്ക് ജീവിക്കാൻ അവകാശമില്ലാത്ത, ഹിന്ദുക്കൾ ഓരോ നിമിഷവും ജീവൻ രക്ഷിക്കാൻ ഓടുന്ന, പാകിസ്താനിൽ ഹിന്ദുമതം ജനിച്ചുവെന്ന പ്രസ്താവന വിഡ്ഡിത്തരമായിപോയെന്നാണ് സോഷ്യൽ മീഡിയയുടെ വിമർശനം
