ഐസിസിയുടെ അഭിമുഖത്തില് പുലിവാല് പിടിച്ചിരിക്കുന്ന പാകിസ്താന് ബൗളര് ഷഹീന് അഫ്രീദി വീണ്ടും എയറില്. സ്വന്തം വിവാഹ പോസ്റ്റിന് അഭിനന്ദ കമന്റിട്ടാണ് താരം സോഷ്യല് മീഡിയയില് വീണ്ടും ട്രോളുകള്ക്ക് ഇരയാകുന്നത്.
അടുത്തിടയാണ് മുന്താരം ഷാഹിദ് അഫ്രീദിയുടെ മകളുമായുള്ള ഷഹീന്റെ വിവാഹം നടന്നത്. ദേശീയ ടീമിലെ താരങ്ങള് ആശംസയുമായി എത്തിയിരുന്നു. ഇതിന്റെ ചിത്രങ്ങളടക്കം താരം സോഷ്യല് മീഡിയയില് പങ്കുവച്ചിരുന്നു.
ഇതിനിടെ വിവാഹം കഴിഞ്ഞ കാര്യം താരം എക്സില് പോസ്റ്റ് ചെയ്തു. തൊട്ടുപിന്നാലെ ഇതിന് താഴെ വീണ്ടും താരത്തിന്റെ ഔദ്യോഗിക ഹാന്ഡിലില് നിന്ന് ‘അഭിനന്ദനങ്ങള് സഹോദര’ എന്ന് പറഞ്ഞ് ഒരു കമന്റും വന്നു. ഇതോടെ സംഭവം വൈറലാവുകയായിരുന്നു. ഇതിന്റെ ചുവട് പിടിച്ച് നിരവധി മെമ്മുകളും കമന്റുകളും സോഷ്യല് മീഡിയയില് നിറഞ്ഞു.
എല്ലാ സോഷ്യല് മീഡിയ അക്കൗണ്ടുകളും നിയന്ത്രിക്കാന് ഒരാളെ തന്നെ ഏല്പ്പിച്ചാലുള്ള കുഴപ്പം ഇതാണെന്നാണ് സോഷ്യല് മീഡയുടെ കളിയാക്കല്. സെപ്റ്റംബര് 21ന് ഇസ്ലാമബാദിലായിരുന്നു അഫ്രീദി-അന്ഷ വിവാഹം.
“>
“>
Leave a Comment