എല്ലാവരുടെയും അടുക്കളയിൽ സാധാരണ കാണുന്ന ഒന്നാണ് ഉലുവ. ആരോഗ്യത്തിന് ഗുണം ചെയ്യുന്ന ഒരുപാട് ഘടകങ്ങൾ ഉലുവയിലുണ്ട്. പല ഭക്ഷണങ്ങള്ക്കും രുചി വര്ദ്ധിപ്പിയ്ക്കാന് ഇത് ഏറെ നല്ലതാണ്.
ആന്റി ഓക്സിഡന്റുകള്, വിറ്റാമിന് എ, സി, ഫൈബര് എന്നിവയൊക്കെ ഉലുവയിൽ അടങ്ങിയിട്ടുണ്ട്. ഉലുവ കുതിര്ത്ത വെള്ളം പതിവായി കുടിക്കുന്നത് നിരവധി ആരോഗ്യ പ്രശ്നങ്ങളെ അകറ്റാന് സഹായിക്കും. അവ ഏതൊക്കെയാണെന്ന് നോക്കാം.
1. മെച്ചപ്പെട്ട ദഹനം
ഉലുവയിൽ ധാരാളം നാരുകൾ ഉള്ളതിനാൽ ദഹന പ്രശ്നങ്ങൾക്ക് നല്ലതാണ്. അസിഡിറ്റി, വയര് വീര്ത്തിരിക്കുന്ന അവസ്ഥ,, മലബന്ധം തുടങ്ങിയവയെല്ലാം അകറ്റുമെന്നാണ് വിദഗ്ധർ പറയുന്നത്.
2. ശരീരഭാരം കുറയ്ക്കാൻ
തടി കുറയ്ക്കാൻ ഉലുവ വെള്ളം വളരെ നല്ലതാണ്. ഉലുവയിലെ ഫൈബര് ദഹനത്തിനും കൊഴുപ്പും പുറന്തള്ളാനുമെല്ലാം സഹായിക്കുന്നു. ഇതിലെ ലയിക്കുന്ന സ്വഭാവിക ഫൈബര് വയറ്റിലെത്തുന്നത് വിശപ്പിനെ നിയന്ത്രിക്കാന് സഹായിക്കും.
ചീത്ത കൊളസ്ട്രോളായ എൽഡിഎൽ കൊളസ്ട്രോൾ കുറയ്ക്കാനും, നല്ല കൊളസ്ട്രോളായ എച്ച്ഡിഎൽ കൊളസ്ട്രോൾ കൂട്ടാനും ഉലുവയിട്ട വെള്ളം നല്ലതാണ്. ഹൃദയാരോഗ്യം സംരക്ഷിക്കാനും ഇവ സഹായിക്കും.
3.പ്രമേഹത്തെ നിയന്ത്രിക്കും
ഉലുവ ചൂടുവെള്ളത്തിലിട്ട് കുതിർത്തതിന് ശേഷം ആ വെള്ളം കുടിക്കുന്നത് ടൈപ്പ്-2 പ്രമേഹത്തെ നിയന്ത്രിക്കാനും സഹായിക്കും.
4. ഹോർമോൺ ബാലൻസ്
ഉലുവ വെള്ളത്തിൽ ഫൈറ്റോ ഈസ്ട്രജൻ അടങ്ങിയിട്ടുണ്ട്. ഇത് ഹോർമോൺ അസന്തുലിതാവസ്ഥയെ നിയന്ത്രിക്കാൻ സഹായിക്കും, പ്രത്യേകിച്ച് ആർത്തവവിരാമ ലക്ഷണങ്ങൾ അനുഭവിക്കുന്ന സ്ത്രീകൾക്ക് നല്ലതാണ്.
5. ചർമ്മത്തിന്റെ ആരോഗ്യം മെച്ചപ്പെടുത്തുന്നു
ഉലുവ വെള്ളം പതിവായി കഴിക്കുന്നത് മുഖക്കുരു കുറയ്ക്കുകയും ചർമ്മത്തിന്റെ ആരോഗ്യം വർദ്ധിപ്പിക്കാനും സഹായിക്കും. ചർമ്മത്തിന് നിറം നൽകുകയും സ്വാഭാവിക തിളക്കം നൽകുകയും ചെയ്യും.
