ഹാങ്ചോ; അശ്വാഭ്യാസത്തില് വ്യക്തിഗത മെഡല് നേടി ചരിത്രം കുറിച്ച് അനുഷ് അഗര്വാല്ല.ഡ്രസ്സാഷ് വ്യക്തിഗതയിനത്തില് അനുഷ് അഗര്വല്ല ഇന്ത്യയ്ക്കായി വെങ്കലം നേടിയത്. ടീമിനത്തില് അനുഷ് അടങ്ങിയ ടീം സ്വര്ണം നേടിയിരുന്നു.ഏഷ്യന് ഗെയിംസില് ഈ ഇനത്തില് ഇന്ത്യയുടെ ആദ്യ വ്യക്തിഗത മെഡലാണിത്.
അഞ്ചാം ദിനം ഇന്ത്യ ഇതിനകം ഒരു സ്വര്ണവും ഒരു വെള്ളിയും നേടിയിട്ടുണ്ട്. പുരുഷന്മാരുടെ 10 മീറ്റര് എയര് പിസ്റ്റള് ടീം വിഭാഗത്തില് സരബ്ജോത് സിംഗ്, അര്ജുന് സിംഗ് ചീമ, ശിവ നര്വാള് എന്നിവര് സ്വര്ണം നേടി. വുഷുവിലാണ് വെള്ളി മെഡല് പിറന്നത്. വുഷുവില് ഇന്ത്യയുടെ റോഷ്ബിന വെള്ളി മെഡല് നേടി. 60 കിലോ വനിതാ വിഭാഗത്തില് താരം ഫൈനലില് പരാജയപ്പെട്ടു.
അതേസമയം ടെന്നീസിലും ഇന്ത്യ മെഡല് ഉറപ്പിച്ചിട്ടുണ്ട്. ഡബിള്സ് വിഭാഗത്തില് സാകേത് മിനേനി-രാംകുമാര് രാമനാഥന് ജോഡി ഫൈനലില് പ്രവേശിച്ചു. കൊറിയന് ജോഡിയെ നേരിട്ടുള്ള സെറ്റുകള്ക്ക് പരാജയപ്പെടുത്തിയാണ് ഇന്ത്യന് ജോഡികള് ഫൈനല് ടിക്കറ്റ് ഉറപ്പിച്ചത്.