വർഷം മുഴുവൻ വാലിഡിറ്റി നൽകുന്ന ജിയോയുടെ പ്ലാനാണ് 1559 രൂപയുടേത്. ഉപയോക്താക്കൾ വില കുറഞ്ഞ ദീർഘകാല വാലിഡിറ്റിയുള്ള പ്ലാൻ ആണ് തിരക്കുന്നതെങ്കിൽ ഇത് തിരഞ്ഞെടുക്കാവുന്നതാണ്. 24 ജിബി ഡാറ്റയാണ് പ്ലാനിലൂടെ ലഭിക്കുന്നത്. ഈ പ്ലാനിലൂടെ ലഭിക്കുന്ന ഡാറ്റ എപ്പോൾ വേണമെങ്കിലും ഉപയോഗിക്കാം. അൺലിമിറ്റഡ് 5ജി ഡാറ്റ ഓഫറാണ് പ്ലാൻ നൽകുന്നത്.
പ്രതിദിന ലിമിറ്റ് ഇല്ലാതെ ഒരു ദിവസം കൊണ്ട് ഈ ഡാറ്റ മുഴുവനായി ഉപയോഗിക്കാനും സാധിക്കുമെന്നതാണ് പ്രത്യേകത. ഡാറ്റ ഉപയോഗിച്ച് കഴിഞ്ഞാൽ പിന്നെ ഡാറ്റ ആവശ്യമായി വരുമ്പോൾ ഡാറ്റ വൗച്ചറുകൾ ഉപയോഗിച്ച് റീചാർജ് ചെയ്യേണ്ടതാണ്.
അൺലിമിറ്റഡ് വോയിസ് കോളിംഗ്, ദിവസവും 100 എസ്എംഎസ്, ജിയോ ക്ലൗഡ്, ജിയോ ടിവി, ജിയോ സിനിമ, തുടങ്ങിയ ജിയോ ആപ്പുകളടങ്ങുന്ന അധിക ആനുകൂല്യങ്ങളും ഈ പ്ലാനിലൂടെ ലഭിക്കും. ഈ പ്രീപെയ്ഡ് പ്ലാൻ ഉപയോക്താക്കൾക്ക് 336 ദിവസത്തെ വാലിഡിറ്റിയാണ് നൽകുന്നത്. ഈ വാലിഡിറ്റി കാലയളവിൽ ഉടനീളം കോളിങ്, എസ്എംഎസ് ആനുകൂല്യങ്ങൾ ലഭ്യമാണ്.
