ഇന്ത്യയെ ശത്രു രാജ്യമെന്ന് അധിക്ഷേപിച്ച് പാകിസ്താന് ക്രിക്കറ്റ് ബോര്ഡ് ചെയര്മാന് സാക്ക അഷ്റഫ്. പരാമര്ശത്തില് വിവാദത്തിലായ അഷ്റഫിനെതിരെ വിമര്ശനം ശക്തമായി. കഴിഞ്ഞ ദിവസം ഇന്ത്യയിലെത്തിയ പാകിസ്താന് ക്രിക്കറ്റ് ടീമിന് ഊഷ്മള സ്വീകരണം നല്കിയതിന് പിന്നാലെയാണ് പിസിബി തലവന്റെ വിവാദ പരാമര്ശം.
ഇന്ത്യയെ ‘ദുഷ്മാന് മുല്ക്ക്’ (ശത്രു രാജ്യം) എന്ന് പറഞ്ഞാണ് പിസിബി ചെയര്മാന് അധിക്ഷേപിച്ചത്. പാക് മാദ്ധ്യമവുമായുള്ള അഭിമുഖത്തിനിടെയായിരുന്നു സാക്ക അഷ്റഫ് വിഷം ചീറ്റിയത്. പാകിസ്താന് താരങ്ങളുടെ സെന്ട്രല് കോണ്ട്രാക്ടും വേതനവുമായി ബന്ധപ്പെട്ട ചോദ്യങ്ങള്ക്ക് മറുപടി നല്കുമ്പോഴായിരുന്നു അധിക്ഷേപം.
‘കളിക്കാര് ‘ശത്രുരാജ്യത്തിലേക്കോ’ മത്സരം നടക്കുന്നിടത്തോ പോകുമ്പോള് അവരുടെ മനോവീര്യം വര്ദ്ധിപ്പിക്കണം. അവര്ക്ക് മികച്ച പ്രകടനം നടത്താന് ഞങ്ങള് അവര്ക്ക് വളരെയധികം പിന്തുണ നല്കണം- അഷ്റഫ് പറഞ്ഞു.
നായകന് ബാബര് അസം അടക്കമുള്ള താരങ്ങള് ഇന്ത്യയുടെ സ്വീകരണത്തിന് നന്ദിപറഞ്ഞതിന് പിന്നാലെയാണ് പാകിസ്താന് ക്രിക്കറ്റ് ബോര്ഡ് തലവന്റെ ഉള്ളിലിരുപ്പ് പുറത്തായത്.
