കോഴിക്കോട്: പ്രായപൂർത്തിയാകാത്ത സഹോദരിയെ നിരന്തരം പീഡിപ്പിച്ച യുവാവ് അറസ്റ്റിൽ. താമരശ്ശേരിയിലാണ് സംഭവം. പ്ലസ് ടു വിദ്യാർത്ഥിനിയായ പെൺകുട്ടിയെയാണ് സഹോദരൻ പീഡിപ്പിച്ചത്. സ്കൂൾ അധികൃതരുടെ പരാതിയിലാണ് പോലീസ് യുവാവിനെ അറസ്റ്റ് ചെയ്തത്.
കഴിഞ്ഞ രണ്ടു വർഷമായി വീട്ടിൽ ആളില്ലാത്ത സമയത്ത് സഹോദരൻ നിരന്തരം പീഡിപ്പിക്കുകയായിരുന്നു എന്ന് പെൺകുട്ടി പോലീസിന് മൊഴി നൽകി. പീഡന വിവിരം പെൺകുട്ടി അടുത്ത കൂട്ടുകാരിയോടാണ് ആദ്യം പറഞ്ഞത്. തുടർന്ന് കൂട്ടുകാരി സ്കൂളിലെ ഒരു അദ്ധ്യാപികയെ വിവരം അറിയിക്കുകയായിരുന്നു.
അദ്ധ്യാപിക കുട്ടിയോട് വിവരം തിരക്കിയപ്പോഴാണ് രണ്ടുവർഷമായി പീഡിപ്പിക്കപ്പെടുന്ന കാര്യം വിദ്യാർത്ഥി പറഞ്ഞത്. ഇതോടെ സ്കൂൾ അധികൃതർ ചൈൽഡ് ലൈനിനെ വിവരം അറിയിച്ചു. ചൈൽഡ് ലൈനാണ് പോലീസിൽ വിവരമറിയിച്ചത്. യുവാവിനെതിരെ പോക്സോ അടക്കമുള്ള വകുപ്പുകളാണ് ചുമത്തിയിരിക്കുന്നത്.
കസ്റ്റഡിയിലെടുത്ത് ചോദ്യം ചെയ്യലിൽ ഇയാൾ കുറ്റം സമ്മതിച്ചു. പ്രതിയുടെ അറസ്റ്റ് രേഖപ്പെടുത്തി കോടതിയിൽ ഹാജരാക്കി. പ്രതിയെ 14 ദിവസത്തേക്ക് റിമാൻഡ് ചെയ്തു.
