കൊച്ചി: കൊച്ചി അന്താരാഷ്ട്ര വിമാനത്താവളത്തിൽ വീണ്ടും സ്വർണവേട്ട. 53 ലക്ഷത്തിലേറെ വില വരുന്ന സ്വർണമാണ് കസ്റ്റംസ് പിടികൂടിയത്. ഷൂസിനകത്തും മലദ്വാരത്തിലുമായി ഒളിപ്പിച്ചു കടത്താൻ ശ്രമിക്കുന്നതിനിടെയാണ് യാത്രക്കാർ പിടിയിലായത്.
ദുബായിൽ നിന്നും വന്ന മലപ്പുറം സ്വദേശി ഷംനാസിന്റെ നടത്തത്തിൽ സംശയം തോന്നി ഷൂസ് അഴിപ്പിച്ചപ്പോൾ അതിൽ നിന്നും 175 ഗ്രാം വരുന്ന രണ്ട് സ്വർണ ചെയിനുകളാണ് ആദ്യം കണ്ടെത്തിയത്. തുടർന്ന് കൂടുതൽ പരിശോധിച്ചപ്പോഴാണ് മലദ്വാരത്തിനകത്ത് നാല്ഗുളികകളുടെ രൂപത്തിലൊളിപ്പിച്ച 1,038 ഗ്രാം സ്വർണം കൂടി കണ്ടെടുത്തത്.
