തിരുവനന്തപുരം: കരുവന്നൂരില് ഇഡിയുടെ ഇടപെടല് രാഷ്ട്രീയ പ്രേരിതമാണെന്ന് ആര്ക്കും പറയാനാകില്ലെന്നും ഇ.ഡി അന്വേഷിച്ചാലും സംസ്ഥാനം അന്വേഷിച്ചാലും അത് അഴിമതി തന്നെയാണെന്നും കെ.മുരളീധരന് എം.പി. മുസ്ലിം ലീഗ് മൂന്നാം സീറ്റ് ചോദിക്കുന്നതില് തെറ്റില്ല, മുന്പും ലീഗിന് സീറ്റ് കൊടുത്തിട്ടുണ്ട്.
അതിന്റെ പേരില് തര്ക്കം ഉണ്ടാകില്ല. ഉഭയകക്ഷി ചര്ച്ചയിലൂടെ കാര്യങ്ങള് തീരുമാനിക്കും.തങ്ങളുടെ ബാങ്കുകളിലും അന്വേഷണം നടക്കട്ടെ, ഒരു ഭയവുമില്ലെന്നും കെ.മുരളീധരന് പറഞ്ഞു. ഈ രീതിയിലാണ് അഴിമതി പോകുന്നതെങ്കില് കെ.എസ്.ആര്.ടി.സിയിലാണോ പോലീസ് വാഹനത്തിലാണോ മന്ത്രിമാരുടെ മണ്ഡലപര്യടനം പോകുന്നതെന്ന് കണ്ടറിയാമെന്നും മുരളീധരന് മാദ്ധ്യമങ്ങളോട് പ്രതികരിച്ചു.
