ഇസ്ലമബാദ്: പാകിസ്താനിലെ ലാഹോറിൽ യുവതിയും മകളും മരിച്ച നിലയിൽ. ലാഹോർ സ്വദേശിനികളായ ഷക്കീല (50) അലീഷ( 20) എന്നിവരെയാണ് ദുരൂഹ സാഹചര്യത്തിൽ മരിച്ച നിലയിൽ കണ്ടെത്തിയത്. ഇരുവരെയും മൂർച്ഛയുള്ള വസ്തു ഉപയോഗിച്ചാണ് കൊലപ്പെടുത്തിയിരിക്കുന്നത്.
ഇരുവരുടെയും മൃതദേഹങ്ങൾ വീടിന്റെ മുകൾ ഭാഗത്തു നിന്നുമാണ് പോലീസ് കണ്ടെത്തിയത്. മകളെയും അമ്മയെയും കൊല്ലാൻ ഉപയോഗിച്ച വസ്തുവും മൃതദേഹങ്ങളുടെ സമീപത്തു നിന്നും പോലീസ് കണ്ടെടുത്തിട്ടുണ്ട്. ഇത് ഫോറൻസിക് പരിശോധനയ്ക്കയച്ചിട്ടുണ്ട്. മൃതദേഹങ്ങൾ ആശുപത്രിയിലേക്ക് പോസ്റ്റ്മോർട്ടത്തിനായി അയച്ചെന്നും പോലീസ് അറിയിച്ചു.സംഭവത്തിൽ കൂടുതൽ അന്വേഷണങ്ങൾ ആവശ്യമാണെന്നും അധികൃതർ വ്യക്തമാക്കി.