കറികൾക്ക് രുചി വേണമെങ്കിൽ ഉപ്പ് വേണം. ഭക്ഷണങ്ങളിലെ പ്രധാനപ്പെട്ട ചേരുവയാണ് ഉപ്പ്. എന്നാൽ പാചകത്തിന് മാത്രമല്ല, ഉപ്പ് കൊണ്ട് വേറെയും ഉണ്ട് ഗുണങ്ങൾ. അവ എന്തൊക്കെയാണെന്ന് നോക്കാം.
മുട്ട പഴകിയോ എന്ന് പരിശോധിക്കാൻ
കടകളിൽ നിന്നും മുട്ട വാങ്ങുമ്പോൾ മിക്കപ്പോഴും പഴകിയതാണോ അല്ലയോ എന്ന് കണ്ടെത്താൻ പ്രയാസമാണ്. ഇവ കണ്ടെത്താൻ ഉപ്പ് സഹായിക്കും. ഇതിനായി ഒരു പാത്രത്തിൽ വെള്ളം എടുക്കുക. അതിലേക്ക് രണ്ട് സ്പൂൺ ഉപ്പ് ഇടുക. ശേഷം മുട്ടയും അതിലേക്ക് ഇടുക. നല്ല മുട്ടയാണെങ്കില് താഴ്ന്നു പോകുകയും ചീഞ്ഞ മുട്ടയാണെങ്കില് പൊങ്ങി കിടക്കുകയും ചെയ്യും.
തുരുമ്പ് കളയാന്
ഇരുമ്പ് വസ്തുക്കളിലെ തുരുമ്പ് കളയാന് ഉപ്പ് നല്ലതാണ്. ഇരുമ്പ് പിടിച്ചിരിക്കുന്ന വസ്തുക്കൾ ഉപ്പ് ഉപയോഗിച്ച് കഴുകി ഉരച്ചു നോക്കൂ, ഇരുമ്പിന്റെ അംശം പോകും.
തുണികളിലെ ദുർഗന്ധം
തുണികളില് ഈര്പ്പം തട്ടിയുള്ള മണം ഒഴിവാക്കാന് ഉപ്പും നാരങ്ങാ നീരും പേസ്റ്റ് രൂപത്തിലാക്കി തുണികളില് പുരട്ടി വച്ച ശേഷം തുണികള് വെയിലത്ത് വിരിക്കാം.
ഉറുമ്പിനെയും പ്രാണികളെയും തുരത്താൻ
തറയിലെ ഉറുമ്പിനെയും പ്രാണികളെയും തുരത്താൻ വെള്ളത്തില് അല്പ്പം ഉപ്പു ചേര്ത്ത ശേഷം തറ തുടയ്ക്കുന്നത് നല്ലതാണ്.
മെഴുക്ക് കളയാന്
പാത്രങ്ങളിലെ മെഴുക്ക് കളയാന് പാത്രത്തില് ഉപ്പ് ഇട്ട് വെള്ളമൊഴിച്ച് വച്ചാല് മതി. ശേഷം ഇവ കഴുകി കളയാവുന്നതാണ്.
കൈകളിലെ മണം
ഉള്ളി, വെളുത്തുള്ളി തുടങ്ങിയവ അരിഞ്ഞാല് കയ്യിൽ ഒരു മണം ഉണ്ടാകും. ഇത് പോകുന്നതിനായി ഉപ്പിട്ട വെള്ളത്തില് കൈ കഴുകുന്നത് നല്ലതാണ്.
