കഴിഞ്ഞ മാസമായിരുന്നു മലയാളത്തിന്റെ ഇതിഹാസ നടൻ മധുവിന്റെ 90-ാം ജന്മദിനം. നവതിയോടനുബന്ധിച്ച് നിരവധി താരങ്ങളാണ് ആശംസകൾ നേർന്നത്. പിന്നാലെ അഭിനേതാക്കളും ഗായകരും നിർമ്മാതാക്കളും സംവിധായകരുമെല്ലാം ഒത്തുകൂടി ആ ജന്മദിനം ആഘോഷമാക്കി മാറ്റി. മധുമൊഴി എന്നു പേരിട്ട വൻ പരിപാടിയിൽ മോഹൻലാൽ അടക്കം മലയാളത്തിലെ പ്രമുഖരെല്ലാം ഒത്തുകൂടി. വിവിധ ഇൻഡസ്ട്രിയിൽ നിന്നുള്ള സൂപ്പർ താരങ്ങളും മധുവിന് ആശംസകൾ നേർന്നിരുന്നു. കൂടെ പരിപാടിയിൽ രജനികാന്ത് മധുവിനെക്കുറിച്ച് സംസാരിക്കുന്ന ഒരു വീഡിയോ ക്ലിപ്പും പ്രദർശിപ്പിച്ചു. മധു തനിക്ക് അച്ഛനെപ്പോലെയാണെന്നാണ് രജനീകാന്ത് പറഞ്ഞത്. ഇതിന്റെ വീഡിയോയാണ് ഇപ്പോൾ വെെറലാകുന്നത്.
Thalaivar @rajinikanth Latest 😍🥰
Superstar Rajinikanth gives a video byte to @asianet
on the occasion of legendary actor Madhu’s 90th birthday celebrations🙏Remembering their collaboration in DHARMADURAI where Madhu portrayed Rajinikanth’s father. pic.twitter.com/GxCi4eBABV
— Satheesh (@Satheesh_2017) October 2, 2023
1991-ൽ പുറത്തിറങ്ങിയ തമിഴ് ചിത്രം ധർമ്മദുരൈയിൽ രജനികാന്തും മധുവും ഒരുമിച്ച് അഭിനയിച്ചിട്ടുണ്ട്. ചിത്രത്തിൽ രജനീകാന്തിന്റെ പിതാവായിട്ടാണ് മധു അഭിനയിച്ചത്. നടൻ ഈ ചിത്രത്തെ കുറിച്ചും സംസാരിക്കുകയുണ്ടായി. രജനികാന്തിന്റെ വാക്കുകൾ ഇങ്ങനെ.
“ധർമ്മദുരൈ എന്ന ചിത്രത്തിലായിരുന്നു മധു സാറിനൊപ്പം പ്രവർത്തിക്കാൻ എനിക്ക് അവസരം ലഭിച്ചത്. സിനിമയിൽ അദ്ദേഹം എന്റെ അച്ഛനായാണ് അഭിനയിച്ചത്. വളരെ സോഫ്റ്റായ, ദയയുള്ള, സൗമ്യനായ മനുഷ്യനാണ് അദ്ദേഹം. അദ്ദേഹത്തോടൊപ്പം പ്രവർത്തിക്കുന്നത് മനോഹരമായ ഒരു അനുഭവമായിരുന്നു. അദ്ദേഹത്തോടൊപ്പം അഭിനയിക്കുമ്പോൾ, മകനായി അഭിനയിക്കുന്നതായി തോന്നിയില്ല, മറിച്ച് അച്ഛനെപ്പോലെ പോലെ തന്നെയായിരുന്നു അദ്ദേഹം. പിതൃതുല്യമായ സ്നേഹവും വാത്സല്യവും നൽകി സ്നേഹിച്ചു. സാധാരണയുള്ള എല്ലാ മുതിർന്ന കലാകാരന്മാരെയും പോലെ വളരെ അച്ചടക്കമുള്ള ആളായിരുന്നു അദ്ദേഹം. സംവിധായകരോടും മറ്റുള്ളവരോടും അദ്ദേഹം സഹകരിച്ച രീതി അതിശയിപ്പിക്കുന്നതായിരുന്നു. ” എന്നാണ് മധുവിവനെ കുറിച്ച് രജനീകാന്ത് പറഞ്ഞത്.
