ഐസിസി പുരുഷ ഏകദിന ക്രിക്കറ്റ് ലോകകപ്പിന്റെ തുടക്കം ആഘോഷമാക്കി ഗൂഗിൾ ഡൂഡിൽ. ഐസിസി ലോകകപ്പ് 2023 ഉദ്ഘാടന ദിനത്തിന്റെ ആനിമേറ്റഡ് ഡൂഡിലാണ് ഗൂഗിൾ അവതരിപ്പിച്ചത്. ആനിമേറ്റഡ് താറാവുകൾ ബാറ്റുമായി വിക്കറ്റുകൾക്കിടയിലൂടെ ഓടുന്ന ഡൂഡിലാണ് ഗൂഗിൾ അവതരിപ്പിച്ചിരിക്കുന്നത്. ഈ ഗൂഗിൾ ഡൂഗിലിൽ ക്ലിക്ക് ചെയ്യുമ്പോൾ ലോകകപ്പിന്റെ ക്രിക്കറ്റ് ലോകകപ്പ് പേജിലേക്കാണ് പോകുന്നത്.
അതേസമയം ഇന്ത്യ ആതിഥേയരാകുന്ന രാജ്യാന്തര ക്രിക്കറ്റ് കൗൺസിലി (ഐസിസി) ന്റെ ഏകദിന ക്രിക്കറ്റ് ലോകകപ്പ് മത്സരങ്ങൾക്ക് ഇന്നാണ് തുടക്കമാകുന്നത്. ഇന്ത്യ പൂർണമായും ആതിഥേയത്വം വഹിക്കുന്ന ആദ്യ ലോകകപ്പാണിത്. നാലാം തവണയാണ് ഇന്ത്യയിൽ ഏകദിന ലോകകപ്പ് വിരുന്നെത്തുന്നത്. അഹമ്മദാബാദിലെ നരേന്ദ്രമോദി ക്രിക്കറ്റ് സ്റ്റേഡിയത്തിൽ ഉച്ചയ്‌ക്ക് രണ്ടിനാണ് ആദ്യമത്സരം.
