2023ലെ ലോക ശതകോടീശ്വരൻമാരുടെ 37-ാം പതിപ്പ് പുറത്ത് വിട്ട് അമേരിക്കൻ ബിസിനസ്സ് മാസികയായ ഫോബ്സ്. 211 ബില്യൺ ഡോളർ ആസ്തിയുള്ള ഫ്രഞ്ച് ബിസിനസുകാരൻ ബെർണാൾഡ് ജീൻ എറ്റിയെൻ അർനോൾട്ടാണ് ഒന്നാം സ്ഥാനത്ത്. ലോകത്തിലെ ഏറ്റവും വലിയ ആഢംബര ബ്രാൻഡായ ലൂയിസ് വിറ്റണിന്റെയും, ബ്യൂട്ടി ബ്രാൻഡായ സെഫോറയുടെയും സ്ഥാപകനാണ് അദ്ദേഹം.
പട്ടികയിലെ ആദ്യ പത്തിൽ ഇടം പിടിച്ച ഏക ഇന്ത്യൻ വ്യവസായി റിലയൻസ് ഇൻഡസ്ട്രീസിന്റെ സ്ഥാപകനും ചെയർമാനുമായ മുകേഷ് അംബാനിയാണ്. 83.4 ബില്യൺ ഡോളറിന്റെ ആസ്തിയുള്ള അദ്ദേഹം പട്ടികയിൽ ഒമ്പതാം സ്ഥാനത്താണുള്ളത്.
2022ൽ ഒന്നാം സ്ഥാനത്ത് ഉണ്ടായിരുന്ന ടെസ്ല സി.ഇ.ഒ എലോൺ മസ്ക് ഈ വർഷം രണ്ടാം സ്ഥാനത്താണ്. 180 ബില്യൺ ഡോളറാണ് മസ്കിന്റെ ആസ്തി. കഴിഞ്ഞ വർഷം ടെസ്ല ട്വിറ്റർ ഏറ്റെടുത്തതോടെ ഒാഹരികൾ നഷ്ടത്തിലായിരുന്നു. ഇതിനാലാവാം മസ്ക് രണ്ടാം സ്ഥാനത്തേക്ക് പിന്തള്ളപ്പെട്ടത്.
ആമസോണിന്റെ സ്ഥാപകൻ ജെഫ് ബെസോസ്, ലാറി എലിസൺ, വാറൻ ബഫറ്റ്, ബിൽ ഗേറ്റ്സ്, മൈക്കൽ ബ്ലൂംബെർഗ്, കാർലോസ് സ്ലിം ഹെലു ആൻഡ് ഫാമിലി, സ്ലീവ് ബാൽമർ, എന്നിവരാണ് പട്ടികയിലെ ആദ്യ പത്തിൽ ഉൾപ്പെട്ട മറ്റുള്ളവർ.