മുംബൈ :വലിയ മാറ്റങ്ങളുമായി ഓഹരിവിപണിയിലെ വ്യാപാരം. ഓഹരി ഡെറിവേറ്റീവുകളുടെ വ്യപാര സമയം ദീർഘിപ്പിക്കാനാണ് പദ്ധതിയിടുന്നത്. നിലവിൽ 9.15 മുതൽ 3.30 വരെയാണ് ഓഹരി ഡെറിവേറ്റീവുകളുടെ വ്യാപാര സമയം. ഇതിന് ശേഷം അന്തരാഷ്ട്ര വിപണിയിൽ വലിയ മാറ്റങ്ങൾ ഉണ്ടായാൽ പിറ്റേന്ന് രാവിലെ മാത്രമേ നിക്ഷേപകർക്ക് അവസരമുണ്ടാകു. ഇതിൽ മാറ്റം വരുത്താനാണ് സായാഹ്ന സെഷൻ കൂടി ഉൾപ്പെടുത്തുന്നത്.
തുടക്കത്തിൽ ആറ് മുതൽ ഒൻപത് വരെയുളള സമയം കൂടി ഡെറിവേറ്റീവുകളുടെ വ്യാപാരത്തിന് വേണ്ടി നൽകും. ഇത് അന്താരാഷ്ട്ര വിപണിയിലെ മാറ്റങ്ങൾ അനുസരിച്ച് ഇടപാടുകൾ നടത്താനുള്ള അവസരം ഒരുക്കും. ഘട്ടം ഘട്ടം ആയിട്ടായിരിക്കും സമയക്രമത്തിൽ മാറ്റം ഉണ്ടാക്കുക. ലഭ്യമാകുന്ന വിവരം അനുസരിച്ച് തീരുമാനം അന്തിമഘട്ടത്തിലേക്ക് കടന്നിരിക്കുകയാണ്.
ലിസ്റ്റ് ചെയ്ത കമ്പനികളുടെ ഓഹരികൾ ചെറു യൂണിറ്റുകളായി വിൽക്കാനുളള സൗകര്യവും ലഭ്യമാക്കാനും പദ്ധതിയിടുന്നു. പുതിയ മാറ്റങ്ങൾ ഓഹരി വിപണിയിലെ വ്യാപാരത്തിന് വലിയ ഊർജ്ജം പ്രദാനം ചെയ്യുമെന്നാണ് സാമ്പത്തിക വിദഗ്ദ്ധർ അഭിപ്രായപ്പെടുന്നത്