ഇസ്ലാമാബാദ് : 2014 ലെ ഏകദിന മത്സരത്തിനിടെ ശ്രീലങ്കൻ ഇതിഹാസം തിലകരത്‌നെ ദിൽഷന് പാകിസ്താൻ ക്രിക്കറ്റ് താരം അഹമ്മദ് ഷെഹ്സാദ് മതപരമായ ഉപദേശം നൽകിയതായി റിപ്പോർട്ട് . മുസ്ലീമായാൽ നേരെ സ്വർഗത്തിൽ പോകാമെന്നായിരുന്നു വാഗ്ദാനം . ഏകദിന ലോകകപ്പിൽ ന്യൂസിലൻഡിനെതിരെ നടന്ന മത്സരത്തിൽ ഗ്രൗണ്ടിൽ പാകിസ്താൻ താരം മുഹമ്മദ് റിസ്വാൻ നിസ്‌കരിച്ചത് വിവാദമായിരുന്നു . അതിനു പിന്നാലെയാണ് അഹമ്മദ് ഷെഹ്‌സാദിന്റെ വീഡിയോയും സോഷ്യൽ മീഡിയയിൽ പ്രചരിക്കുന്നത് .
ഇരു ടീമിലെയും കളിക്കാർ അവരവരുടെ ലോക്കർ റൂമുകളിലേക്ക് മടങ്ങുന്നതിനിടെയാണ് ഷെഹ്സാദ് ദിൽഷനോട് മതപരമായ ഉപദേശം നൽകിയത്. “ഒരു അമുസ്ലീം ആയ നിങ്ങൾ മുസ്ലീമായി മാറുകയാണെങ്കിൽ, നിങ്ങളുടെ ജീവിതത്തിൽ എന്ത് ചെയ്താലും, നിങ്ങൾ നേരെ സ്വർഗത്തിലേക്ക് പോകും. “ എന്നായിരുന്നു ഷെഹ്സാദ് പറഞ്ഞത് . എന്നാൽ ഇതിന് ദിൽഷാൻ നൽകിയ മറുപടി വ്യക്തമല്ലെങ്കിലും നരകത്തിൽ പോകാൻ തയ്യാറാകൂ എന്നും ഷെഹ്സാദ് പറയുന്നുണ്ട് .
അതേസമയം തനിക്ക് ഈ അനുഭവം ഒട്ടേറെ തവണ ഉണ്ടായതായി മുൻ പാക് ക്രിക്കറ്റ് താരം ഡാനിഷ് കനേരിയ സോഷ്യൽ മീഡിയയിൽ കുറിച്ചു. “അത് ഡ്രസ്സിംഗ് റൂമോ കളിസ്ഥലമോ ഡൈനിംഗ് ടേബിളോ ആകട്ടെ, ഇത് എനിക്ക് എല്ലാ ദിവസവും സംഭവിച്ചു,” കനേരിയ പറയുന്നു.
